ماڭعىستاۋ وبلىسىنىڭ پوليتسيا دەپارتامەنتى جەڭىل اۆتوكولىكتەردى ءبىر جىلعا جالعا الۋ ۇشىن مەملەكەتتىك ساتىپ الۋ سايتىنا ەكى لوتتان تۇراتىن جالپى سوماسى 555 161 067 تەڭگەگە بايقاۋ جاريالاعان, دەپ حابارلايدى Egemen.kz.
ايماقتىق باق قىزمەتكەرلەرى ءبىرىنشى لوتتا جالعا الىناتىن كولىككە بەرىلەتىن سوما 325 714 285 تەڭگە دەپ كورسەتىلگەنىن انىقتاعان. ەكىنشى لوتتا 229 446 782 تەڭگە كولىكتى جۇرگىزۋشىمەن بىرگە جالعا الىناتىن قىزمەت قۇنى رەتىندە كورسەتىلگەن.
ال وبلىستىق پوليتسيا دەپارتامەنتىنىڭ مالىمدەۋىنشە, مەملەكەتتىك ساتىپ الۋ راسىمىنە سايكەس, دەپارتامەنت قاجەتتىلىگى ءۇشىن اۆتوكولىكتى جالعا الۋعا بولىنگەن سومانى بەكىتەر الدىندا ماماندار تالداۋ جۇرگىزگەن.
– ەسەپتەۋلەرمەن جالدامالى اۆتوكولىكتى پايدالانۋ ونى ساتىپ الۋعا جانە ۇستاۋعا قاراعاندا الدەقايدا ۇنەمدى جانە تيىمدىرەك ەكەنى راس. ويتكەنى اۆتوكولىكتى جالعا الۋ قۇنىنا كولىك قۇرالىن ساقتاندىرۋ, تەحنيكالىق تەكسەرۋ, اۆتوموبيل ءدارى قوبديشاسىنىڭ, ءورت سوندىرگىشتىڭ, ججم بولۋى, كۇندەلىكتى جانە كۇردەلى جوندەۋگە قىزمەت كورسەتۋ, ونىڭ ىشىندە تق-1, تق-2, شينالاردى جانە اكب (اككۋمۋلياتور) اۋىستىرۋ كىرەدى, وسى شىعىنداردىڭ بارلىعىن مەردىگەر ۇيىم ءوز موينىنا الادى. ماسەلەن, 30.11.2021 جىلى ماڭعىستاۋ وبلىسىنىڭ پوليتسيا دەپارتامەنتى (№ 6493747-2 –) دەپارتامەنتتىڭ قاجەتتىلىكتەرى ءۇشىن 2022 جىلعا جەڭىل اۆتوموبيلدەردى جالعا بەرۋ بويىنشا حابارلاندىرۋ بەردى. جۇرگىزۋشىمەن اۆتوكولىك قۇرالىنىڭ 47 بىرلىگىن جالعا الۋ – 229 ملن 446 مىڭ تەڭگە جانە جۇرگىزۋشىسىز اۆتوكولىك قۇرالىنىڭ 80 بىرلىگىن جالعا الۋ – تيىسىنشە 325 ملن 714 مىڭ تەڭگە. كونكۋرستىڭ جالپى سوماسىنىڭ ۇلعايۋى مالىمدەلگەن جالعا بەرىلەتىن اۆتوكولىك قۇرالدارى سانىنىڭ ۇلعايۋىمەن بايلانىستى. بۇل رەتتە, اۆتوكولىك قۇرالىنىڭ 1 بىرلىگى ءۇشىن سوما 2021 جىلمەن سالىستىرعاندا وزگەرگەن جوق, – دەدى ۆەدوموستۆو وكىلدەرى.