ءبىرىنشى جارتىلاي ورتا سالماق دارەجەسىندە سىنعا ءتۇسىپ جۇرگەن قازاقستاندىق كاسىپقوي بوكسشى رۋسلان ماديەۆ كەزەكتى جەكپە-جەگىنە دايىندىعىن اياقتادى, دەپ حابارلايدى Egemen.kz.
«مىنەكەي, كەزەكتى جاتتىعۋ جۇمىستارى ءوزىنىڭ مارەسىنە جەتتى. ەرتەڭ جەكپە-جەك وتەتىن سان-انتونيو قالاسىنا ۇشامىز», دەپ جازدى بوكسشى ينستاگرامداعى پاراقشاسىندا.
رۋسلان ماديەۆ 18 جەلتوقسان كۇنى (قازاقستان ۋاقىتىمەن 19 جەلتوقسان كۇنى تاڭەرتەڭ) اقش-تىڭ تەحاس شتاتىنا قاراستى سان-انتونيو قالاسىندا وتەتىن بوكس كەشىندە مەكسيكالىق لۋيس ەرناندەس راموسپەن (لاقاپ اتى – ماتادور) قولعاپ تۇيىستىرەدى. رەيتينگىلىك جەكپە-جەك 10 راۋندقا جوسپارلانعان.