پاۆلودار اۋەجايىندا جەكە دەرەكتەردى راستاۋ ءۇشىن eGov Mobile قوسىمشاسى ارقىلى تسيفرلىق جەكە كۋالىكتى ۇسىنۋ مۇمكىندىگى پايدا بولدى, دەپ حابارلايدى Egemen.kz.
«پاۆلودار اۋەجايى» اق-نىڭ مالىمدەۋىنشە, اۋەجايدا تسيفرلىق جەكە كۋالىكتى پايدالانۋ ءۇشىن eGov Mobile قوسىمشاسىندا تىركەلگەن پايدالانۋشى «تسيفرلى قۇجاتتار» سەرۆيسىنە كىرىپ, تىزىمنەن جەكە كۋالىكتى تاڭداۋى قاجەت.
«ۇشاتىن جولاۋشىلار اۋەجايدىڭ تىركەۋ باعاناسىندا, سونداي-اق ۇشۋ الدىنداعى تەكسەرۋدەن ءوتۋ كەزىندە eGov Mobile قوسىمشاسىنان QR-كودتى سكانەرلەگەن سمارتفوننىڭ ەكرانىن كورسەتۋ قاجەت», دەلىنگەن ءباسپاسوز قىزمەتى تاراتقان حابارلامادا.
تسيفرلىق قۇجاتتار سەرۆيسى پيلوتتىق رەجيمدە جۇمىس ىستەيدى.
جاڭا قىزمەتتى اۋەجايلاردا پايدالانۋدى جوسپارلاپ وتىرعان جولاۋشىلارعا ۇشار الدىندا وزىمەن بىرگە جەكە كۋالىگىنىڭ تۇپنۇسقاسىن الىپ ءجۇرۋدى ەسكەرتەدى.