«بجزق» اق باسقارما توراعاسى جانات قۇرمانوۆ زەينەتاقى جيناقتارىن پايدالانۋ مەرزىمى نەلىكتەن 45-تەن 20 كۇنگە دەيىن قىسقارعانىن ايتتى, دەپ حابارلايدى Egemen.kz.
ءماجىلىستىڭ جالپى وتىرىسىنان كەيىن تىلشىلەر ساۋالىنا جاۋاپ بەرگەن جانات قۇرمانوۆ اتالعان مەرزىمدى بەكىتۋ «وتباسى بانكى» مەن باسقا دا ەكىنشى دەڭگەيلى بانكتەر اينالىساتىنىن جەتكىزدى.
«بجزق قىزمەتىنە جۇگىنۋ مەن ءوزىڭنىڭ زەينەتاقى جيناقتارىڭدى وكىلەتتى وپەراتورلاردىڭ ارنايى شوتىنا اۋدارار الدىندا قانداي باسپانانى ساتىپ الاتىنىن انىقتاپ قاراپ, ءتيىستى قۇجاتتاردى دايارلاۋ كەرەك.
بۇل قاراجات ينۆەستيتسيالىق اينالىمنان شىعارىلادى جانە ادامعا ينۆەستيتسيالىق كىرىس اكەلمەيدى. شىن مانىندە اينالىمداعى جيناق تۇرالاپ قالادى. سوندىقتان ارنايى شوتتا جاي جاتپاس ءۇشىن اتالعان كەزەڭدى قىسقارتقان ءتيىمدى بولار ەدى», دەدى ج. قۇرمانوۆ.
وسى ورايدا ول حالىقتى قۇجاتتاردى الدىن الا دايارلاپ الىپ, وزىنە كەرەك باسپانانى ايقىنداپ الۋعا شاقىردى.
باسقارما توراعاسىنىڭ سوزىنە قاراعاندا, ادامدار ءتيىستى دايىندىق جۇمىستارىن جۇرگىزسە, ۇكىمەت ەسەپتەۋى بويىنشا 20 كۇن جەتكىلىكتى.