شقو پد ەسىرتكى قىلمىسىنا قارسى ءىس-قيمىل باسقارماسىنىڭ قىزمەتكەرلەرى «رەفلەكس» جەدەل-پروفيلاكتيكالىق ءىس-شاراسى بارىسىندا ەسىرتكى ساقتادى دەگەن كۇدىكپەن وسكەمەن قالاسىنىڭ 42 جاستاعى تۇرعىنىن ۇستادى, دەپ حابارلايدى Egemen.ءkz ىىم ءباسپاسوز قىزمەتىنە سىلتەمە جاساپ.
«كۇدىكتىنىڭ پاتەرىن ءتىنتۋ بارىسىندا جاسىل, قىزعىلت جانە اق ءتۇستى ۇنتاق پەن تۇيىرشىكتەر تۇرىندەگى زاتى بار 55 پوليمەرلى پاكەت پەن تۇيىنشەك, بۋىپ-تۇيۋگە جانە ولشەۋگە ارنالعان ەلەكتروندىق تارازى قۇرىلعىلار تاركىلەندى. ساراپشىنىڭ قورىتىندىسىنا سايكەس, الىنعان زاتتىڭ جالپى سالماعى 119,9395 گ «α-پيرروليدينالەروفەنون» پسيحوتروپتىق زات بولىپ تابىلادى», دەدى شقو پد باستىعى ساعات ماديەۆ.اتالعان فاكتى بويىنشا قازاقستان رەسپۋبليكاسى قىلمىستىق كودەكسىنىڭ 297-بابى 3-بولىگى بويىنشا سوتقا دەيىنگى تەرگەۋ باستالدى, باپتىڭ سانكتسياسىمەن 15 جىلعا دەيىن باس بوستاندىعىنان ايىرۋ جازاسى كوزدەلگەن.