شۆەيتساريانىڭ بازەل قالاسىندا پرەزيدەنت قاسىم-جومارت توقاەۆتىڭ شۆەيتسارياعا رەسمي ساپارى اياسىندا دەنساۋلىق ساقتاۋ ءمينيسترى الەكسەي تسوي مەن شۆەيتساريالىق F. Hoffmann-La Roche Ltd فارماتسەۆتيكالىق كومپانياسى ديرەكتورلار كەڭەسىنىڭ توراعاسى كريستوف فرانتستىڭ ەكىجاقتى كەزدەسۋى ءوتتى, دەپ جازادى Egemen.kz.
كومپانيانىڭ قىزمەتىمەن تانىسۋ ءۇشىن قر دەنساۋلىق ساقتاۋ ءمينيسترى الەكسەي تسوي شۆەيتساريانىڭ بازەل قالاسىنداعى دارىلىك پرەپاراتتاردىڭ وندىرىستىك الاڭىنا باردى.
ەكىنشى نىسان دياگنوستيكالىق جابدىقتاردى ءوندىرۋ بويىنشا گروسسكرويتس قالاسىنداعى زاۋىت بولدى.
مينيستر ورفاندىق اۋرۋلاردى ەمدەۋگە ارنالعان يننوۆاتسيالىق پرەپاراتتارعا قول جەتكىزۋ ماسەلەسىن, شۆەيتساريالىق تەحنولوگيالاردىڭ قازاقستانعا ترانسفەرىنىڭ ماڭىزدىلىعىن, سونداي-اق كومپانيانىڭ زەرتحانالىق ينفراقۇرىلىمدى دامىتۋعا باعىتتالعان جوبالاردى ىسكە اسىرۋعا, COVID-19 بار پاتسيەنتتەردى ەمدەۋگە ارنالعان دارىلىك پرەپاراتتاردى جەتكىزۋگە مۇددەلىلىگىن تالقىلاۋعا ەرەكشە قىزىعۋشىلىق تانىتتى.
تاقىرىپتى تالقىلاۋ 2021 جىلعى 29 قاراشادا قول قويىلعان قازاقستان رەسپۋبليكاسى دەنساۋلىق ساقتاۋ مينيسترلىگى مەن Roche Ltd اراسىنداعى نەگىزدەمەلىك كەلىسىمنىڭ ماڭىزدىلىعىن راستايدى.
نەگىزدەمەلىك كەلىسىم ىنتىماقتاستىقتىڭ قاعيداتتارى مەن الدىن الا نيەتىن بەلگىلەۋگە, سونداي-اق قازاقستان رەسپۋبليكاسىنىڭ اۋماعىندا فارماتسەۆتيكالىق ونەركاسىپتى دامىتۋ جانە دارىلىك زاتتاردىڭ جەرگىلىكتى ءوندىرىسىنىڭ ۇلەسىن ۇلعايتۋ جونىندەگى جوبانى ىسكە اسىرۋ ماقساتىندا باعىتتالعان.