تۇڭعىش پرەزيدەنت كۇنىنە وراي جاس عالىمداردىڭ «قازاقستان. ەۋرازيالىق ينتەگراتسيا يدەياسى. عىلىمي-قولدانبالى اسپەكت» اتتى حالىقارالىق عىلىمي كونفەرەنتسياسى ءوتتى. ءىس-شاراعا ەۋرازيالىق ينتەگراتسيا سالاسىنداعى زەرتتەۋلەرمەن اينالىساتىن قازاقستان, رەسەي, قىرعىز رەسپۋبليكاسى جانە بەلارۋس ەلدەرىنىڭ جاس عالىمدارى قاتىستى, دەپ حابارلايدى Egemen.kz.
ءسوز سويلەۋشىلەر ەلباسى نۇرسۇلتان نازارباەۆتىڭ ەۋرازيالىق ينتەگراتسيا يدەياسىن قالىپتاستىرۋداعى جانە ىلگەرىلەتۋدەگى ەرەكشە ءرولىن اتاپ ءوتىپ, الەۋمەتتىك-ەكونوميكالىق قانا ەمەس, عىلىمي-گۋمانيتارلىق ىنتىماقتاستىقتى كەڭەيتۋ جانە تەرەڭدەتۋ ءۇشىن ەۋرازيالىق كەڭىستىكتىڭ عىلىمي قوعامداستىعى اراسىندا ۇزاق مەرزىمدى ءوزارا ءىس-قيمىل ستراتەگياسىن قۇرۋ قاجەتتىلىگى تۋرالى مالىمدەدى.
پىكىرتالاس قورىتىندىسى بويىنشا جاس زەرتتەۋشىلەر ەۋرازيالىق كەڭىستىكتە ەكونوميكالىق, مادەني جانە عىلىمي ءوزارا ءىس-قيمىل ءۇشىن جاڭا ديالوگ الاڭدارىن قۇرۋ قاجەتتىگى تۋرالى پىكىر ءبىلدىردى.
كونفەرەنتسياعا 30-دان استام جاس عالىمدار قاتىستى. ءىس-شارانى قر اقدم جاستار جانە وتباسى ىستەرى كوميتەتى, «جاستار» عزو جانە ل.گۋميلەۆ اتىنداعى ەۇۋ ۇيىمداستىردى.