قحل: «بارىس» «سەۆەرستالدان» باسىم ءتۇستى

«بارىس» بيىلعى ءتۋرنيردى ءساتسىز وتكىزىپ ءجۇر. سوڭعى التى كەزدەسۋدىڭ ەكەۋىندە جولى بولدى, قالعانىندا قارسىلاستارىنا ەسە جىبەرىپ قويدى. سالدارىنان «بارىس» 24 ۇپايمەن تۋرنير كەستەسىندە 21-ورىندا كەلەدى. بۇگىنگى كەزدەسۋدى ەلوردالىق حوككەيشىلەر بەلسەندى باستاعان ەدى.

ناتيجەسىندە 2-مينۋتتا كيريلل ساۆيتسكي «بارىستى» العا شىعاردى. بۇدان كەيىن رەسەيلىك حوككەيشىلەر باسىمدىعىن ارتتىردى. «سەۆەرستال» ساپىنان يليا حوحلوۆ 11, يۆان ەمەتس 19-مينۋتتاردا مەرگەندىك تانىتتى.

وسىلايشا ولار العا شىقتى. ەكىنشى كەزەڭنىڭ 21-مينۋتىندا قازاقستاندىق رومان ستارچەنكو تارازى باسىن تەڭەستىردى. ال 24-مينۋتتا ماكسيم كولمىكوۆ قايتادان «سەۆەرستال» كومانداسىن العا شىعاردى.

«بارىس» ويىنشىسى وللە السينگ 48-مينۋتتا تاعى دا تارازى باسىن تەڭەستىردى. نەگىزگى كەزەڭ 3:3 ەسەبىمەن اياقتالىپ, ويىن وۆەرتايمعا ۇلاستى. وۆەرتايمدا «بارىس» ساپىنان كەرتيس ۆولك جەڭىس شايباسىن سوقتى.

وسىلايشا قاتارىنان ءتورت ويىنداعى ساتسىزدىكتەن كەيىن ەلوردالىق كلۋب جەڭىسكە جەتتى. ەندى «بارىس» 23 قىركۇيەكتە ەلوردادا بەلارۋستىڭ «دينامو» (مينسك) كومانداسىن قابىلدايدى.

ال «سەۆەرستال» سىرت ايدىندا «ۆيتياز» (پودولسك) كومانداسىمەن شەبەرلىك بايقاسادى.