نۇر-سۇلتان قالاسىنداعى قالالىق نۇر-استانا مەشىتى عۇلاما ءابۋ ناسىر ءال-فارابي ەسىمىمەن اتالادى, دەپ حابارلايدى Egemen.kz.
بۇل تۋرالى Ulysmedia.kz سايتى جازادى.
نۇر-سۇلتان قالاسىنداعى 15 جىلدىق تاريحى بار «نۇر استانا» مەشىتىنىڭ اتاۋىن وزگەرتۋ تۋرالى ۇسىنىستى عۇلامالار كەڭەسى بەرگەن بولاتىن. بۇل ۇسىنىس قازاقستان مۇسىلماندارى ءدىني باسقارماسىنىڭ كەزەكتەن تىس تورالقا ماجىلىسىندە تالقىلانىپ, قمدب ءبولىم باسشىلارى, وبلىس يمامدارى مەن ورتالىق اپپارات قىزمەتكەرلەرى مەشىت اتاۋىنىڭ وزگەرۋىن قولداپ, داۋىس بەردى.
ناتيجەسىندە مەشىت ەندىگى تاڭدا ويشىل ءابۋ ناسىر ءال-فارابي ەسىمىمەن اتالادى. 2005 جىلدىڭ 2 ناۋرىزىندا اشىلعان مەشىت استاناداعى ەسىل اۋدانىندا ورنالاسقان.
مەشىت كاتار مەملەكەتىنىڭ ءامىرى شەيح حاماد بين حاليفا ءال-ءسانيدىڭ قايتارىمسىز سىي رەتىندە بولگەن قارجىسىنا تۇرعىزىلعان بولاتىن. ورتالىقتىڭ اشىلۋىنا سول تۇستاعى مەملەكەت باسشىسى نۇرسۇلتان نازارباەۆ قاتىسىپ, قاعبا مەن قۇران بەينەلەنگەن, سۇرەلەر تۇسىرىلگەن جاپقىشتى سىيعا تارتتى.