بۇگىن شىمكەنت قالاسى دەنساۋلىق ساقتاۋ باسقارماسىنىڭ باسشىسى باقىتجان پوزيلوۆتىڭ قىزى كوۆيدكە قارسى ۆاكتسينا سالدىردى, دەپ حابارلايدى Egemen.kz. شىمكەنت قالاسى اكىمدىگىنىڭ ءباسپاسوز قىزمەتىنە سىلتەمە جاساپ.
قىزىمەن ەمحاناعا كەلگەن قالانىڭ باس دارىگەرى جازباشا ساۋالناماعا جاۋاپ تولتىردى.
15 جاستاعى مەرەيگە ەمحانا ماماندارى Pfizer ۆاكتسيناسىن سالدى. 10-سىنىپ وقۋشىسى اتا-اناسىمەن كەڭەسە كەلە ەكپە سالدىرۋعا شەشىم قابىلداعانىن ايتادى.
«اتا-اناممەن كەلىسىپ, ۆاكتسينا سالدىردىم. وسى ەكپە ارقىلى ءوزىمدى قاۋىپتى ۆيرۋستان قورعاعىم كەلەدى», دەيدى مەرەي.
«بالاڭىزعا ۆاكتسينا سالدىراسىز با؟» دەپ كوپشىلىك سۇراپ جاتىر. مەن بۇل ساۋالعا ء«يا» دەپ جاۋاپ بەرگەن ەدىم. قىزىممەن سويلەسە كەلە ۆاكتسينا سالدىرامىز دەپ شەشتىك. باسقا اتا-انالار دا بالالارىنىڭ قاۋىپسىزدىگىن ويلاسا», دەيدى ب.پوزيلوۆ.
ايتا كەتەيىك, 15 قاراشادان باستاپ شىمكەنتتە Pfizer پرەپاراتىمەن ەگۋ جۇمىستارى جۇرگىزىلۋدە. ەكپە العان ازاماتتاردا بۇگىنگە دەيىن تەرىس اسەر بايقالماعان. ولار بىرنەشە كۇن بويى مەديتسينا قىزمەتكەرلەرىنىڭ باقىلاۋىندا بولادى.