جىل باسىنان بەرى قازاقستاننىڭ ىشكى ىستەر مينيسترلىگى 2 مىڭنان استام ەسىرتكى قىلمىسىن انىقتادى, ونىڭ ىشىندە ەسىرتكىنى وتكىزۋدىڭ 1300 فاكتىسى جانە اسا ءىرى مولشەردە 360-تان استام ەسىرتكى ساقتاۋ فاكتىسى انىقتالدى. بۇل تۋرالى قر ءىىم وكىلى شۇعىلا تۇرلىبەك مالىمدەدى, دەپ حابارلايدى Egemen.kz.
«زاڭسىز اينالىمنان 12,5 توننا ەسىرتكى, ونىڭ ىشىندە 5 كگ استام گەروين تاركىلەندى. شامامەن 9,5 توننا ماريحۋانا, 380 كگ گاشيش جانە 110 كگ سينتەتيكالىق ەسىرتكى مەن سەگىز ۇيىمداسقان قىلمىستىق ەسىرتكى توبى مەن 14 جاسىرىن ەسىرتكى زەرتحاناسىنىڭ قىزمەتى جويىلدى», دەپ ناقتىلادى ول.
مينيسترلىك ەلىمىزدىڭ بارلىق ۆوكزالدارىندا «ەسىرتكىسىز بولاشاققا» رەسپۋبليكالىق اكتسياسىنىڭ باستالۋىن جاريالادى.
اكتسيانىڭ ماقساتى – ازاماتتاردى ەسىرتكىنىڭ زاڭسىز اينالىمىنا قاتىسۋدىڭ سالدارى تۋرالى حاباردار ەتۋ.
ەستەرىڭىزگە سالا كەتەيىك, 2021 جىلدىڭ قازان ايىندا قازاقستاندا سينتەتيكالىق ەسىرتكىنى ساقتاعانى ءۇشىن جازا قاتاڭداتىلدى. ءتىپتى ءبىر گرامم «سينتەتيكا» ءۇشىن باس بوستاندىعىنان ايىرىلۋى مۇمكىن.