10 جىل بۇرىن سودىرلار ولتىرگەن ليۆيا باسشىسى مۋامار كاددافيدىڭ ەكىنشى ۇلى سەيف ءال-يسلام كاددافي ەلدەگى پرەزيدەنتتىك سايلاۋعا كانديدات رەتىندە تىركەلۋ ءۇشىن قۇجاتتارىن تاپسىردى, دەپ حابارلايدى Egemen.kz.
بۇل تۋرالى ريا نوۆوستي ءمالىم ەتتى.
باسىلىمنىڭ مالىمەتىنشە, قۇجاتتار ەلدىڭ وڭتۇستىك-باتىسىنداعى سابحا قالاسىنداعى جوعارعى سايلاۋ كوميسسياسىنىڭ بولىمىنە تاپسىرىلعان.
2020 جىلدىڭ كوكتەمىندە ليۆيانىڭ بۇرىنعى باسشىسىنىڭ ۇلى دجاماحيريانىڭ وكىلدەرى 49 جاستاعى سەيف ءال-يسلام كاددافي ليۆيادا وتەتىن مەملەكەت باسشىسىنىڭ سايلاۋىنا ءوز كانديداتۋراسىن ۇسىنۋعا نيەتتى ەكەنىن ايتتى.
اقپان ايىنىڭ باسىندا جەنەۆادا بۇۇ قولداۋىمەن ليۆيا ساياسي ديالوگىنىڭ فورۋمى 24 جەلتوقسانعا بەلگىلەنگەن جالپى سايلاۋعا دەيىن ەلدى باسقاراتىن ليۆيانىڭ وتپەلى اتقارۋشى بيلىگىن سايلادى. پرەزيدەنتتىك كەڭەستىڭ جاڭا باسشىسى بولىپ ليۆيانىڭ گرەكياداعى بۇرىنعى ەلشىسى مۋحامماد مەنفي سايلاندى. وتپەلى ۇكىمەتتىڭ باسشىسى بولىپ ليۆيالىق بيزنەسمەن جانە ساياساتكەر ابدەلحاميد دبەيبا تاعايىندالدى.
2011 جىلى كاددافي رەجيمى قۇلاتىلعاننان كەيىن, ونىڭ ءوزىن جانە تۋىستارىن اڭدۋ باستالدى. كوتەرىلىسشىلەر كاددافيدى, سونداي-اق ونىڭ ۇلى مۋاتاسەمدى ءولتىردى. كاددافيدىڭ ۇلى حاميس ءتريپوليدى بومبالاۋ كەزىندە قايتىس بولدى. كاددافيدىڭ تاعى ءبىر ۇلى اكەسىنىڭ ەڭ ادال سەرىكتەستەرىنىڭ ءبىرى سەيف ءال-يسلام تۇتقىنعا الىندى. ول ليۆيا تۇرمەسىندە 2017 جىلدىڭ شىلدەسىنە دەيىن بولعان.