ماڭعىستاۋدا تسەمەنت زاۋىتىنىڭ 200-گە جۋىق جۇمىسشىسى باسشىلىقتان جالاقى كوتەرۋدى تالاپ ەتىپ ەرەۋىلگە شىقتى. ولار بۇل ماسەلەنى اقپان ايىنان باستاپ كوتەرىپ كەلەدى, دەپ حابارلايدى Egemen.kz.
بۇل تۋرالى كتك تەلەارناسى مالىمدەدى.
جۇمىسشىلاردىڭ ايتۋىنشا, جالاقىلارى قازىر 200 مىڭ تەڭگەگە دە جەتپەيدى. ال ەگەر جۇمىستان تىس قوسىمشا ۋاقىتتا جۇمىسقا شىقپاسا, ودان دا از. ازىق-ت ۇلىك قىمباتتاپ, ءتىپتى وزدەرى وندىرگەن قۇرىلىس ماتەريالىنىڭ قۇنى وسسە دە, ەڭبەكاقى وزگەرىسسىز قالعان. حالىق تولەمدەرىن 48 مىڭعا كوبەيتۋدى تالاپ ەتتى. ال باسشىلىق جۇمىسشىلاردىڭ تالابىمەن كەلىسكەن.
كومپانيا كەلەسى جىلدىڭ 1 قاڭتارىنان باستاپ ەڭ تومەنگى جالاقىنى 193 مىڭ تەڭگەگە دەيىن كوتەرۋگە دايىن ەكەنىن ايتتى. بىراق زاۋىت جالاقىنى ودان ءارى كوتەرە المايتىنىن ايتقان. بۇل ءوندىرىستىڭ توقتاپ قالۋىنا اكەلەدى, ويتكەنى كومپانيا دا ءوز ءونىمىنىڭ باعاسىن سەبەپسىز كوتەرە المايدى. ال شيكىزات قىمباتتاپ بارادى. «جالپى, قىزمەتكەرلەرىمىزگە جالاقى كوتەرۋ بويىنشا ەكى نۇسقا ۇسىندىق. سونىڭ بىرەۋىنە توقتالامىز. 2022 جىلدىڭ بيۋدجەتىنە قوسىمشا 150 ملن تەڭگە قاراستىردىق. بۇل سوما ەڭبەكاقىنى كوتەرۋگە باعىتتالادى. جاڭا جىلدان باستاپ جۇمىسشىلارىمىز ەڭ از دەگەندە 193 مىڭ تەڭگە جالاقى الادى دەپ جوسپارلاپ وتىرمىز», دەيدى «كاسپي تسەمەنت» جشس باس ديرەكتورى يۆان پاك.