ەرەسەكتەر Pfizer ەكپەسىمەن رەۆاكتسيناتسيا جاساي الا ما؟ بۇل ساۋالعا بريفينگ بارىسىندا الماتى قالاسى سانيتارلىق-ەپيدەميولوگيالىق باقىلاۋ دەپارتامەنتى باسشىسىنىڭ ورىنباسارى اسەل قالىقوۆا جاۋاپ بەردى, دەپ حابارلايدى Egemen.kz.
«Sputnik ۆەكتورلىق ەكپە بولعاندىقتان, كەز كەلگەن يناكتيۆ ۆاكتسينامەن رەۆاكتسيناتسيا جاساۋعا بولادى. الماتىدا ازاماتتار Sputnik, Pfizer سياقتى ەكپەلەرمەن رەۆاكتسيناتسيا جاساي الادى, تاڭداۋ بار. ەگەر كەرىسىنشە ءبىرىنشى يناكتيۆ ەكپە سالدىرعان بولسا, وندا Sputnik ۆەكتورلىق ۆاكتسيناسىمەن رەۆاكتسيناتسيا جاساي الادى.
Pfizer ەكپەسىمەن رەۆاكتسيناتسيا جاساعىسى كەلەتىندەر تۇرعىلىقتى مەكەنجايى بويىنشا ەمحاناعا بارىپ, ءوتىنىم قالدىرۋى ءتيىس. قوسىمشا دوزا بولعان جاعدايدا رەۆاكتسيناتسيا جاسالادى», دەدى سپيكەر.
ونىڭ ايتۋىنشا, الماتى قالاسىندا Pfizer ەكپەسىن ساقتاۋعا ارنالعان ەكى ارنايى توڭازىتقىش بار. ولار ەكپە ساقتاۋ ورتالىعىندا ورنالاسقان. ارقايسىسىنىڭ سىيىمدىلىعى – 35 مىڭ دوزا. تاعى ءدال وسىنداي 4 توڭازىتقىشقا تاپسىرىس بەرىلدى.