«ۆەبينارعا «اقپاراتقا قول جەتكىزۋ تۋرالى» زاڭنىڭ جاڭا تالابىنا سايكەس بيىل ءماسليحاتتاردا ايقىندالعان اقپاراتقا قول جەتكىزۋ ماسەلەلەرى جونىندەگى ۋاكىلدەر قاتىستى. ولار بۇگىندە اقپاراتتىق اشىقتىق پەن قولجەتىمدىلىكتى قامتاماسىز ەتۋگە جاۋاپتى.
وقىتۋ اياسىندا الەۋمەتتىك جەلىلەردە جانە رەسمي سايتتا ءماسليحاتتاردىڭ قولدانىستاعى زاڭناماسى مەن جۇمىس تاجىريبەسىنە شولۋ جاسالدى.
سونىمەن قاتار, ء«ماسليحاتتاردىڭ اشىقتىق جانە ايقىندىلىق يندەكسى» زەرتتەۋىنىڭ ناتيجەلەرى تانىستىرىلدى. ۋاكىلەتتى تۇلعالاردى قىزىقتىرعان بارلىق سۇراقتارعا جاۋاپتار بەرىلدى.
قاتىسۋشىلار ماسليحات سەسسيالارى مەن تۇراقتى كوميسسيالاردىڭ وتىرىستارىن ونلاين-ترانسلياتسيالاۋدى ۇيىمداستىرۋ, ولاردى انونستاۋ, مەملەكەتتىك ورگانداردىڭ ينتەرنەت-رەسۋرستارىنىڭ بىرىڭعاي پلاتفورماسىنا كوشۋ جانە دەپۋتاتتاردىڭ سايلاۋشىلارمەن كەرى بايلانىس ماسەلەلەرىنە اسا قىزىعۋشىلىق تانىتتى (ەسكەرتپە: مو يربپ (www.gov.kz) – بارلىق ورتالىق مەملەكەتتىك ورگاندار مەن جەرگىلىكتى اتقارۋشى ورگاندار جانە كەيبىر جەرگىلىكتى وكىلدى ورگانداردىڭ سايتتارىن بىرىكتىرەتىن پلاتفورما).
ۆەبينار قورىتىندىسى بويىنشا ۋاكىلەتتى تۇلعالاردىڭ جۇمىسىن جاقسارتۋ جانە ءماسليحاتتاردىڭ اشىقتىعىن ارتتىرۋ بويىنشا ۇسىنىستار ازىرلەندى.
ايتا كەتەيىك, 2020 جىلعى 1 قىركۇيەكتە, مەملەكەت باسشىسى قازاقستان حالقىنا جولداۋىندا ءماسليحاتتار وتىرىستارىنىڭ مىندەتتى ونلاين كورسەتىلىمدەرىن ەنگىزۋ قاجەتتىلىگىن اتاپ ءوتتى», دەلىنگەن مينيسترلىك تاراتقان حابارلامادا.