بۇل تۋرالى بۇگىن وتكەن ۇكىمەت وتىرىسى بارىسىندا ەنەرگەتيكا ءمينيسترى ماعزۇم مىرزاعاليەۆ حابارلادى. ونىڭ ايتۋىنشا, العا قويعان مىندەتتەرگە قول جەتكىزۋ ءۇشىن ەلەكتر ەنەرگياسىن گەنەراتسيالاۋ قۇرىلىمىندا وزگەرىستەر بولادى, دەپ جازادى Egemen.kz.
«بىرىنشىدەن, كومىر ءوندىرۋ ۇلەسى 70%-دان 40,3%-عا دەيىن تومەندەيدى. ەكىنشىدەن, گاز گەنەراتسياسى 20%-دان 38%-عا دەيىن ۇلعايادى. ۇشىنشىدەن, جاڭارتىلاتىن ەنەرگيا كوزدەرىنىڭ ۇلەسى 3%-دان 15%-عا دەيىن ارتادى», دەپ اتاپ ءوتتى مينيستر.
ۆەدومستۆو باسشىسى مالىمدەگەندەي, پاريج كەلىسىمى شەڭبەرىندە ماقساتتارعا قول جەتكىزۋ بويىنشا مىندەتتەمەلەر ورىندالىپ, 2060 جىلعا قاراي ودان ءارى دەكاربونيزاتسيالاۋ جانە كومىرتەگى بەيتاراپتىعىنا قول جەتكىزۋدىڭ نەگىزى قالانادى.