قر پرالامەنتى ءماجىلىسىنىڭ جالپى وتىرىسىندا «قازاقستان رەسپۋبليكاسى تاۋەلسىزدىگىنىڭ 30 جىلدىعىنا بايلانىستى راقىمشىلىق جاساۋ تۋرالى» زاڭ جوباسىن تانىستىرعان ىشكى ىستەر ءمينيسترى ەرلان تۇرعىمباەۆ جازاسى جەڭىلدەپ, قاماۋدان بوسايتىن ادامداردىڭ ناقتى سانىن اتادى, دەپ حابارلايدى Egemen.kz.
«جوبا بويىنشا, بىرىنشىدەن, 2236 سوتتالۋشىعا, 11 310 پروباتسيادا تۇرعان ادامعا راقىمشىلىق جاسالادى. ناتيجەسىندە 1000 ادام قاماۋدان بوستاندىققا شىعادى. 3818 ادام پروباتسيالىق باقىلاۋدان بوساتىلادى», دەگەن مينيستر زاڭ بويىنشا اسا اۋىر قىلمىس جاساعان ازاماتتارعا راقىمشىلىق جاساۋعا تىيىم سالىنعانىن ەسكەرتتى.
«ەكىنشىدەن, 1294 سوتتالۋشىعا, 7294 پروباتسيادا تۇرعان ادامدارعا جازا مەرزىمى قىسقارتىلادى. ۇشىنشىدەن, سوتقا دەيىنگى وندىرىستەگى 5000 مىڭ قىلمىستىق ءىس قىسقارتىلادى. ونىڭ ىشىندە 1674 ادام قىلمىستىق جاۋاپكەرشىلىكتەن بوساتىلادى. 1471 ادامعا سوت ورگاندارى جازا مەرزىمىن قىسقارتۋ نەمەسە بوساتۋ ەرەجەلەرى قولدانىلادى.