«بارىس» بۇگىن قۇرلىقتىق حوككەي ليگاسىنداعى كەزەكتى ويىنىن ەلوردادا رەسەيدىڭ سكا (سانكت-پەتەربۋرگ) كومانداسىمەن وتكىزدى, دەپ حابارلايدى Egemen.kz.
كەزدەسۋدە ەلوردالىق حوككەيشىلەر ويىن باسىنان تىزگىندى قولىن الۋعا تىرىستى. ناتيجەسىندە ءبىرىنشى كەزەڭدە قارسىلاس كوماندا قاقپاسىنا ەكى شايبا سوعىپ كەتتى.
ويىننىڭ 12-مينۋتىندا مەتت فرەتتين ەسەپ اشسا, 14-مينۋتتا نيكيتا ميحايليس ەسەپتى ۇستەمەلەي ءتۇستى. ەكىنشى كەزەڭدە ەكى كوماندا تاراپىنان گول سوعاتىن بىرنەشە مۇمكىندىك بولعان ەدى.
دەسە دە تابلوداعى ەسەپ وزگەرىسسىز قالدى. ءۇشىنشى كەزەڭدە كوماندالار شابۋىلعا كوبىرەك شىقتى. دەسە دە وعان لايىقتى تويتارىس بەرە ءبىلدى. ويىن سوڭىنا تامان ايدىن يەلەرى قاتارىنان وللە السينگ بوس تۇرعان قاقپاعا شايبا سوقتى.
وسىلايشا «بارىس» قارسىلاسىنان 3:0 ەسەبىمەن باسىم ءتۇستى. ەندى «بارىس» 10 قازاندا ەلوردادا رەسەيدىڭ «اك بارس» (قازان) كومانداسىن قابىلدايدى.