ەلباسى كىتاپحاناسى قازاقتىڭ ۇلى ويشىلى اباي قۇنانباي ۇلىنىڭ مۇراسىن دارىپتەۋ ماقساتىندا الەۋمەتتىك جەلىلەردە جاريالاعان «V اباي وقۋلارى» ادەبيەت سايىسىنىڭ جەڭىمپازدارىن ماراپاتتادى, دەپ جازادى Egemen.kz.
ءىس-شارانى قازاقستان رەسپۋبليكاسىنىڭ تۇڭعىش پرەزيدەنتى – ەلباسى كىتاپحاناسى ديرەكتورى باقىتجان تەمىربولات اشتى.
«ەلباسى ن.ءا. نازارباەۆ اباي مۇراسىنىڭ قازاقتىڭ ەڭ قاسيەتتى قازىناسى ەكەنىن ءاردايىم بەلگىلەيدى. ونىڭ بۇل ويىن قولدايتىن مەملەكەت باسشىسى ق.توقاەۆ تا ابايدىڭ وسيەت-ونەگەسى XXI عاسىرداعى جاڭا قازاقستاندى بيىكتەرگە جەتەلەيتىنىن العا تارتادى.
اباي قۇنانباي ۇلى – ۇلى دالا تاريحىنا وشپەس ءىز قالدىرعان دارا تۇلعا. ونىڭ شىعارمالارىن ناسيحاتتاۋ جولدارى مەن تاسىلدەرى جىلدان جىلعا تۇرلەنىپ, كەمەلدەنە تۇسۋدە. اقىننىڭ ولەڭدەرىنە تسيفرلىق تەحنولوگيانى پايدالانىپ, سانالۋان بەينەروليك ءتۇسىرىپ, بىرنەشە تىلدە ناسيحاتتاعان جاستاردىڭ تالابى مەن جىگەرى, اكتەرلىك شەبەرلىگى تاڭ قالدىرادى. ءار سوزىمەن ۇلتتىڭ ورەسىن ءوسىرۋدى كوزدەگەن ابايدىڭ عاقليالارىن زەردەگە توقۋ ءارى شەبەرلىكپەن پايدالانا ءبىلۋ – ۇرپاققا مىندەت. ال وسكەلەڭ ۇرپاقتىڭ زەردەسىن اشىپ, ۇلتتىق مادەنيەتىمىز ءبان ادەبيەتىمىزدىڭ تۇنىق ءنارىن ساناسىنا ءسىڭىرۋ - ءبىزدىڭ پارىزىمىز», دەدى ول.
قازاقستان رەسپۋبليكاسى پارلامەنتى ءماجىلىسىنىڭ دەپۋتاتى دارحان مىڭباي ادەبيەت سايىسىنىڭ جەڭىمپازدارى مەن قاتىسۋشىلارىن قۇتتىقتادى.
«جۇزدەن جۇيرىك, مىڭنان تۇلپار بولعان بۇگىن جەڭىمپازدار اباي بابامىز بەن ۇلت مادەنيەتى الدىنداعى پەرزەنتتىك پارىزىن ورىنداۋدا ادالدىق تانىتتى. وسى ورايدا ەلباسى كىتاپحاناسىنىڭ اباي مۇراسىن ناسيحاتتاۋدا جاڭا كەزەڭدى, جاڭا مادەنيەتتى باستاپ جاتقانىنا ريزامىن», دەدى ءماجىلىس دەپۋتاتى.
«ەستەرىڭىزدە بولسا, ەلباسىنىڭ شەشىمىمەن ابايدىڭ 150 جىلدىعى يۋنەسكو دەڭگەيىندە تويلانعان بولاتىن. ابايعا دەگەن بەتبۇرىس سول كەزەڭنەن باستاۋ الدى. حالىقتى ءبىلىم مەن ەڭبەككە ۇندەگەن ابايدى وقىعان ادام ۇلكەن دارەجەگە جەتەتىنى ءسوزسىز. سوندىقتان بۇگىنگى جەڭىستەرىڭىز – عىلىمعا باسقان العاشقى قادامدارىڭىز», دەدى ل.ن. گۋميلەۆ اتىنداعى ەۋرازيا ۇلتتىق ۋنيۆەرسيتەتى جانىنداعى «اباي اكادەمياسى» عىلىمي-زەرتتەۋ ينستيتۋتىنىڭ ديرەكتورى جاندوس اۋباكىر.
ادەبيەت سايىسىنىڭ جەڭىمپازدارىن ماراپاتتاۋ راسىمىنە ەلباسى كىتاپحاناسىنىڭ قورىنان ارنايى كىتاپ كورمەسى ازىرلەندى. كورمەدە ابايدىڭ 40-قا جۋىق ەڭبەگى, بەلگىلى وتاندىق ابايتانۋشىلاردىڭ اقىننىڭ ءومىرى مەن شىعارماشىلىعىن زەرتتەگەن مونوگرافيالارى, سونداي-اق ۇلى اقىننىڭ شەت تىلدەرىنە اۋدارىلعان تۋىندىلارىنىڭ اۋدارمالارى قويىلدى. كوپشىلىك نازارىنا سونداي-اق مۋزىكالىق قويىلىمدار ۇسىنىلدى. سايىس قاتىسۋشىلارى دا ولەڭ جولدارىن وقىپ, قۇلاق قۇرىشىن قاندىردى.
يگى داستۇرگە اينالعان اباي وقۋلارىنا 5 جىلدىڭ ىشىندە 4000-عا جۋىق ادام قاتىسىپ ۇلگەردى. بيىل 56 فيناليست ىرىكتەلىپ, 11 جەڭىمپاز انىقتالدى. ءادىل قازىلار القاسىنىڭ شەشىمى بويىنشا جۇلدەلى ورىندار مەن نوميناتسيالارعا يە بولعاندار:
گران-پري – نۇر-سۇلتان قالاسىنىڭ ءماشھۇر ءجۇسىپ اتىنداعى № 57 مەكتەپ-ليتسەيىنىڭ 8-سىنىپ وقۋشىسى گۇلناز ەڭسەباەۆا.
«شىنى كەرەك, باس جۇلدەگە يە بولام دەپ ويلاماپپىن. سايىسقا قاتىستىرعان بەينەروليكتى تەك جەكە دارىنىمدى دامىتۋ ءۇشىن تۇسىرگەن بولاتىنمىن.
سوندىقتان دا ءادىل قازىلار القاسىنىڭ جوعارى باعاسىن ۇلكەن ابىروي دەپ سانايمىن. بۇگىنگى جەڭىسىم ەندى جاڭا بەلەستەردى باعىندىرۋعا ىنتالاندىرىپ وتىر», دەدى گران-پري يەگەرى.
ءى ورىن – پاۆلودار وبلىسى, اقسۋ قالاسى جامبىل ورتا مەكتەبىنىڭ 4-سىنىپ وقۋشىسى ايدانا احمان;
ءىى ورىن – قازاقستان رەسپۋبليكاسى پرەزيدەنت ءىس باسقارماسى مەديتسينالىق ورتالىعى اۋرۋحاناسىنىڭ جەتەكشى مەنەدجەرى اراي جىلقىباەۆا, ەكىباستۇز قالاسى №13 جالپى ورتا ءبىلىم بەرۋ مەكتەبىنىڭ 1-سىنىپ وقۋشىسى جىگەر حاسەن;
ءىىى ورىن – پاۆلودار وبلىسى, ەرتىس اۋدانى №4 ورتا مەكتەبىنىڭ 4-سىنىپ وقۋشىسى رومان كۋزنەتسوۆ, ل.ن. گۋميلەۆ اتىنداعى ەۇۋ-ءدىڭ 2-كۋرس ستۋدەنتى رامازان ەرجىگىت, قاراعاندى مەديتسينا ۋنيۆەرسيتەتىنىڭ 3-كۋرس ستۋدەنتى اسەم تۇرماحاندا.
سايىسقا اتسالىسىپ, كوپتىڭ كوڭىلىنەن شىققان ۇمىتكەرلەرگە دە نوميناتسيا بەرىلدى. اتاپ ايتقاندا:
«ەڭ بەلسەندى قاتىسۋشى» – قاراعاندى مەديتسينالىق ۋنيۆەرسيتەتىنىڭ 2-كۋرس ستۋدەنتى ارۋجان امانتاەۆا;
«كورەرمەن كوزايىمى» – اقتاۋ قالاسىنىڭ №21مەكتەپ-ليتسەيىنىڭ 8-سىنىپ وقۋشىسى ايزەرە ماحامبەت;
«ەڭ ىزدەمپاز ۇمىتكەر» – اقتوبە قالاسى № 47 ورتا مەكتەبىنىڭ 2-سىنىپ وقۋشىسىتەمىرلان قوناقباەۆ;
«اباي مۇراسىن الەمدىك دەڭگەيدە ناسيحاتتاۋشى» – ل.ن. گۋميلەۆ اتىنداعى ەۇۋ-ءدىڭ 1 كۋرس ستۋدەنتى مەدينا بەيسەن.
توپ جارىپ, جەڭىستى قانجىعاسىنا بايلاعان قاتىسۋشىلار ديپلوم مەن ەستەلىك سىيلىقتارمەن ماراپاتتالدى.
ەستەرىڭىزگە سالساق, «Instagram», «Facebook» الەۋمەتتىك جەلىسىنە سايىسكەرلەر جاريالاعان بەينەروليكتەرمەن ء#بىزدىڭاباي, #ابايادەبيەتەستافەتاسى, #ەلباسىكىتاپحاناسىاباي حەشتەگتەرى ارقىلى تانىسۋعا بولادى.