قر ءىىم شەتەلدە قر ازاماتىنىڭ تولقۇجاتىن الۋعا ۇمىتكەر قازاقستان رەسپۋبليكاسىنىڭ ازاماتتارىنان, شەتەلدىكتەردەن جانە ازاماتتىعى جوق ادامداردان قر ۆيزالارىن الۋ كەزىندە داكتيلوسكوپيالىق اقپاراتتى جيناۋ جانە وڭدەۋ قاعيدالارىنىڭ قولدانىلۋى توقتاتىلا تۇراتىن بۇيرىق جوباسىن دايىندادى, دەپ حابارلايدى Egemen.kz.
«شەتەلدە قازاقستان رەسپۋبليكاسى ازاماتىنىڭ تولقۇجاتىن الۋعا ۇمىتكەر قازاقستان رەسپۋبليكاسىنىڭ ازاماتتارىنان, شەتەلدىكتەردەن جانە ازاماتتىعى جوق ادامداردان قازاقستان رەسپۋبليكاسىنىڭ ۆيزالارىن الۋ كەزىندە داكتيلوسكوپيالىق اقپاراتتى جيناۋ جانە وڭدەۋ قاعيدالارىن بەكىتۋ تۋرالى» قازاقستان رەسپۋبليكاسى سىرتقى ىستەر ءمينيسترىنىڭ 2018 جىلعى 28 اقپانداعى بۇيرىعىنىڭ قولدانىسى 2023 جىلعى 1 قاڭتارعا دەيىن توقتاتىلا تۇرسىن», دەلىنگەن قۇجاتتا.
29 ماۋسىمدا مەملەكەت باسشىسى قاسىم-جومارت توقاەۆ «قازاقستان رەسپۋبليكاسىنىڭ كەيبىر زاڭنامالىق اكتىلەرىنە مەملەكەتتىك فەلدەگەرلىك بايلانىس جانە ىشكى ىستەر ورگاندارىنىڭ قىزمەتى ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭعا قول قويدى, ول, اتاپ ايتقاندا, داكتيلوسكوپيالىق تىركەۋ مەرزىمدەرىن اۋىستىرۋدى كوزدەيدى.
ء«تيىستى قارجىلاندىرۋدىڭ بولماۋىنا بايلانىستى داكتيلوسكوپيالىق تىركەۋدى قولدانىسقا ەنگىزۋ مەرزىمى 2023 جىلعى 1 قاڭتارعا دەيىن توقتاتىلا تۇرسىن», دەيدى تۇزەتۋلەردىڭ ءبىرى.
ەسكە سالا كەتسەك, 2016 جىلعى 30 جەلتوقساندا «داكتيلوسكوپيالىق جانە گەنومدىق تىركەۋ تۋرالى» زاڭ قابىلداندى, ول 2021 جىلعى 1 قاڭتاردان باستاپ كۇشىنە ەنۋى ءتيىس بولاتىن. الايدا, ءىىم مۇددەلى مەملەكەتتىك ورگاندارمەن بىرلەسىپ, 2023 جىلعى 1 قاڭتاردان باستاپ داكتيلوسكوپيالىق تىركەۋ بولىگىندە زاڭداردىڭ جەكەلەگەن نورمالارىن ەنگىزۋ مەرزىمدەرىن اۋىستىرۋ تۋرالى ۇسىنىستار ەنگىزدى.