وزبەكستان بالالارعا ۆاكتسينا سالۋعا رۇقسات بەردى

بۇل تۋرالى وزبەكستاننىڭ دەنساۋلىق ساقتاۋ مينيسترلىگى ءمالىم ەتتى.

ۆەدومستۆونىڭ حابارلاۋىنشا, باس مەملەكەتتىك سانيتارلىق دارىگەر مەن ۇلتتىق تەحنيكالىق يممۋنولوگيالىق ساراپتاما كەلىسىمىنە سايكەس, اتا-انالارى نەمەسە قاراۋشىلارى رۇقسات ەتكەن جاعدايدا جاسى 12-دەن اسقان بالالار Pfizer ۆاكتسيناسىن ەرىكتى تۇردە سالدىرتا الادى.

«12-15 جاس ارالىنداعى بالالارعا وتكىزىلگەن Pfizer ۆاكتسيناسىنىڭ كلينيكالىق سىنامالارى جاقسى ناتيجە كورسەتتى. وسىنداي كەڭەستى دۇنيەجۇزىلىك دەنساۋلىق ساقتاۋ ۇيىمى دا بەرىپ وتىر», دەلىنگەن دەنساۋلىق ساقتاۋ مينيسترلىگىنىڭ حابارلاماسىندا.

ۆەدومستۆونىڭ حابارلاۋىنشا, قىركۇيەكتىڭ ورتاسىندا ەلگە Pfizer ۆاكتسيناسىنىڭ 1,2 ميلليون دوزاسى جەتكىزىلدى. بۇل پرەپارات وزبەكستاندا پايدالانۋعا رۇقسات ەتىلگەن بەسىنشى ۆاكتسينا بولىپ وتىر.

ەسكە سالا كەتەيىك, وزبەكستاندا ۆاكتسينا سالۋ ناۋقانى 1 ساۋىردەن باستاۋ الدى. ۆاكتسينالاۋ AstraZeneca, ZF-UZ-VAC2001, «سپۋتنيك-V», Moderna جانە Pfizer پرەپاراتتارىمەن جۇزەگە اسىرىلادى.

بۇگىنگى كۇنى وزبەكستاندا 4 ميلليون ادام تولىعىمەن ۆاكتسينا العان.