اۋعانستاننان كەلگەن 35 ەتنيكالىق قازاق اقمولا وبلىسىنا قونىستاندى, دەپ جازادى Egemen.kz.
اۋعانستاننان ورالعان ءتورت وتباسىنىڭ بىرەۋى - كوكشەتاۋ قالاسىنا, قالعانى اتباسار, بۋراباي, ساندىقتاۋ اۋداندارىنا قونىستانعان.
«اۋعانستاننان ەلگە كوشىرىلگەن ازاماتتار تۇگەلدەي جۇمىسپەن قامتىلادى. ال بالالارىن جاستارىنا قاراي مەكتەپكە, بالاباقشاعا ورنالاستىرامىز. وتباسىنىڭ ءاربىر مۇشەسىنە 204 مىڭ تەڭگە كولەمىندە ءبىر رەتتىك قارجىلاي كومەك كورسەتۋ كوزدەلگەن. 1 جىلعا دەيىن باسپانا جالداۋ, كوممۋنالدىق تولەم ءۇشىن دە 15-تەن 30 ايلىق ەسەپتىك كورسەتكىش مولشەرىندە اقشالاي قولداۋ قاراستىرىلعان», دەدى اقمولا وبلىستىق جۇمىسپەن قامتۋدى جانە الەۋمەتتىك باعدارلامالاردى ۇيلەستىرۋ باسقارماسىنىڭ باسشىسى دينا احمەتجانوۆا.