مەملەكەت باسشىسى قاسىم-جومارت توقاەۆ ماڭعىستاۋ وبلىسىندا وتكىزگەن ءوڭىردىڭ الەۋمەتتىك-ەكونوميكالىق دامۋى جونىندەگى كەڭەس بارىسىندا شەنەۋنىكتەردى سىنعا الدى, دەپ حابارلايدى Egemen.kz.
قاسىم-جومارت توقاەۆ وڭىردە جاپپاي مال شىعىنىنا الىپ كەلگەن قۋاڭشىلىق ماسەلەسىنە قاتىستى كوزقاراسىن ءبىلدىردى. مەملەكەت باسشىسى مۇقتاج فەرمەرلەرگە كومەك كورسەتۋ كەزىندە شەنەۋنىكتەردىڭ سىلبىرلىعىن سىنعا الدى. ونىڭ ايتۋىنشا, وبلىس اكىمدىگى مەن قۇزىرلى مينيسترلىك قايتا-قايتا قاعازىن تۇگەندەپ, قۇجاتىن رەتتەپ وتىرعاندا احۋالدى تۇراقتاندىرۋ ءۇشىن رەزەرۆتەن بولىنگەن ءتيىستى قاراجات قينالعان شارۋالارعا مەزگىلىندە جەتپەگەن.
«قۇدىق قازۋعا بولىنەتىن سۋبسيديا 80-نەن 50 پايىزعا دەيىن قىسقارعان بولاتىن. ۇكىمەتكە بۇل شەشىمدى قايتا قاراۋدى تاپسىرامىن. ماڭعىستاۋ جانە قىزىلوردا وبلىستارى ءۇشىن وتەماقى مولشەرىن قايتادان 80 پايىزعا دەيىن كوبەيتۋ قاجەت. قۇزىرلى مينيسترلىك ءشولدى ايماقتا اۋىل شارۋاشىلىعىن دامىتۋ ءۇشىن ۇسىنىس ەنگىزسىن. ونىڭ عىلىمي نەگىزى بولۋى شارت. حالىقارالىق وزىق تاجىريبەنى, سونىڭ ىشىندە ءيزرايلدىڭ ءتاسىلىن زەرتتەڭىزدەر», دەدى قاسىم-جومارت توقاەۆ.