قىركۇيەك ايىنىڭ سوڭىندا ماڭعىستاۋدا جاۋىن-شاشىن جاۋدىراتىن تەحنيكانى ىسكە قوسۋ جوسپارلانۋدا, دەپ حابارلايدى Egemen.kz. بۇل تۋرالى «فەرعانا» اقپاراتتىق پورتالىنا وسى جوبانى جۇزەگە اسىراتىن Central Asian Center of Climate Change Technologies (CACCCT) جشس باس ديرەكتورى التاي اينابەك ايتىپ بەردى.
12 قىركۇيەكتە CACCCT «گرانت قازاقستان» كورپوراتيۆتىك قورى مەن وبلىس اكىمدىگىمەن (اكىمشىلىگىمەن) ۇشجاقتى كەلىسىمگە قول قويىلدى. ا.اينابەكتىڭ ايتۋىنشا, ماڭعىستاۋ وبلىسىندا, بەس كەشەننەن تۇراتىن Clear Sky Manager-ءدىڭ بەس جابدىعى ورناتىلادى.
ء«تيىمدى ارەكەت ەتۋ ايماعى - 100 مىڭ شارشى شاقىرىم. جابدىقتار ەلدى مەكەندەردە تۇرادى, ويتكەنى بىزگە ينتەرنەت, ەلەكتر قۋاتى جانە جاقسى ينفراقۇرىلىم قاجەت. ءبىز وسى ماسەلەنى رەتتەۋ ءۇشىن ءالى دە ماماندارمەن جۇمىس ىستەيمىز. ەندى سوڭعى 10 جىلداعى مەتەورولوگيالىق دەرەكتەردى, جەلدىڭ كوتەرىلۋى, جاۋىن-شاشىن دەڭگەيى تۋرالى مالىمەتتەردى كۇتۋدەمىز. سودان كەيىن عانا ونى قاي جەرگە ورناتۋ كەرەكتىگىن شەشەمىز», دەدى ا.اينابەك.
ونىڭ ايتۋىنشا, پيلوتتىق جوبانىڭ قۇنى - 5 ميلليون ەۋرو.
«مۇنداي تەحنولوگيالار ورتا ازيا اۋماعىندا, ونىڭ ىشىندە قازاقستاندا العاش رەت قولدانىلاتىنىن ەسكەرىپ, ءبىز 3,8 ميلليون ەۋرونى ينۆەستيتسيالاپ وتىرمىز. تاعى 1 ميلليون 200 مىڭىن جەكە ينۆەستورلار - فەرمەرلەر, مۇنايشىلار جانە جوبانىڭ جۇزەگە اسىرىلۋىن قالايتىن ازاماتتار ءوز قالتاسىنان شىعارماق», دەدى ول.
تاجىريبە 13 ايعا سوزىلادى. ماڭعىستاۋدا جاساندى جاۋىن-شاشىن تۋدىرۋعا بيۋدجەتتەن ءالى قاراجات قاراستىرىلماعان. قازاقستاننىڭ بيۋدجەتتىك كلاسسيفيكاتسياسىندا بۇل ءۇشىن قاجەتتى كودتار جوق, سونىمەن قاتار CACCCT الدىمەن ناتيجەنى كورسەتۋگە دايىن.