الماتى وبلىسىندا 675 وقۋشىدان كوروناۆيرۋس انىقتالدى, دەپ حابارلايدى Egemen.kz.
«2021 جىلدىڭ 1-20 قىركۇيەك ارالىعىندا الماتى وبلىسى بويىنشا وقۋشىلار اراسىندا كوروناۆيرۋس ينفەكتسياسىمەن سىرقاتتانۋدىڭ 675 جاعدايى تىركەلدى. ونىڭ ىشىندە 215 جاعداي جازعى دەمالىس كەزىندە, 444 جاعداي وفلاين وقىتۋ كەزىندە جانە 16 جاعداي ونلاين وقىتۋدا انىقتالعان. وبلىستىڭ 190 مەكتەبىنىڭ 422-سىنىپتارىنا كارانتين ەنگىزۋ تۋرالى 366 قاۋلى شىعارىلدى جانە 6281 وقۋشى قاشىقتىقتان وقىتۋ نىسانىنا اۋىستىرىلدى», دەلىنگەن الماتى وبلىستىق سانيتاريالىق-ەپيدەميولوگيالىق باقىلاۋ دەپارتامەنتىنىڭ ءباسپاسوز قىزمەتى تاراتقان حابارلامادا.
ۆەدومستۆونىڭ اقپاراتىنا سايكەس, مۇعالىمدەر اراسىندا 103 مۇعالىم ىندەتجۇقتىرعان.
«2021 جىلدىڭ 1-20 قىركۇيەك ارالىعىندا وبلىس بويىنشا كۆي-مەن اۋىرعان مۇعالىمدەردىڭ 103 جاعدايى تىركەلدى. ونىڭ ىشىندە 32 پەداگوگ جازعى دەمالىس كەزىندە اۋىرىپ قالعان. وڭىرلەردەگى سانيتارلىق-ەپيدەميولوگيالىق باقىلاۋ باسقارمالارى پەداگوگتەر, وقۋشىلار, ستۋدەنتتەر جانە تەحنيكالىق پەرسونال اراسىندا سىرقاتتانۋشىلىقتىڭ كۇندەلىكتى مونيتورينگىن جۇرگىزەدى», دەپ تولىقتىردى اتالعان ۆەدومستۆونىڭ ءباسپاسوز قىزمەتى.