بۇرىنعى جولداۋلارىندا مەملەكەت باسشىسى ەلدى ەكونوميكالىق جانە ساياسي تۇرعىدان جاڭعىرتۋعا كۇش سالعان بولسا, ەندى قازاقستان ازاماتتارىنىڭ تۇرمىستىق احۋالىن ارتتىرۋدى كوزدەگەن الەۋمەتتىك شارالاردى بەلگىلەپ وتىر.
مەملەكەتتىك ساياساتتاعى ەڭ باستى كاپيتال – ادام ەكەنىنە كوزى جەتكەن قوعام ەكونوميكالىق جانە ساياسي جەتىلۋدىڭ شىڭىنان كورىنەدى. جولداۋدا اتاپ كورسەتىلىپ, ۇكىمەتكە تاپسىرما رەتىندە بەرىلگەن – ءبىلىم جانە دەنساۋلىق ساقتاۋ سالاسىن جەتىلدىرۋ, ەڭبەكاقىنى كوبەيتۋ, حالىق تابىسىن ارتتىرۋ, مەملەكەتتىك قىزمەت كورسەتۋلەردىڭ جاقسارۋى – مىنە, ادام كاپيتالىن ينۆەستيتسيالاۋعا جاسالعان وسى شارالاردىڭ ءبارى قازاقستاندىقتاردىڭ ءومىر ساپاسىنىڭ ارتۋىنا كەپىل بولارى ءسوزسىز. وسىلاردىڭ ءبارى قازاقستاندا تۇراتىن بارلىق ەتنوس وكىلدەرىنە دە قاتىستى بولاتىنى مەنى قۋانتادى. سونىمەن بىرگە مەملەكەت باسشىسى جولداۋىنىڭ ورىندالۋى ەكونوميكالىق تەتىكتەرمەن بەكىتىلگەنىن, ناقتى جوسپارلاردىڭ بەلگىلەنگەنىن جانە ورىندالۋىن قاداعالايتىن قاجەتتى باقىلاۋ جۇيەسىمەن استاسقانىن اتاپ وتۋگە ءتيىسپىن.
پرەزيدەنتتىڭ ءوز جولداۋىندا قازاقستان حالقى اسسامبلەياسىنىڭ جۇمىسىنا كوڭىل بولگەنى, ەلدەگى باستى قۇندىلىق – بەيبىتشىلىك پەن كەلىسىم ەكەنىنە ءجىتى نازار اۋدارعانى دا قۋانتادى. مۇنى ءبىز جاقسى تۇسىنەمىز. پرەزيدەنتتىڭ جولداۋدا كورسەتكەن بارلىق ماقساتى ورىندالىپ, قازاقستان حالقىنىڭ تابىسپەن وركەندەي بەرۋىنە تىلەكتەسپىن.
فاريت ايۋپوۆ,
«قازاقستاندىق تاتار جانە باشقۇرتتار كونگرەسى» رەسپۋبليكالىق قوعامدىق بىرلەستىگى تۇركىستان وبلىسى بويىنشا فيليالىنىڭ توراعاسى