الماتى وبلىسىندا كوروناۆيرۋسپەن اۋىرعان وقۋشىلاردىڭ سانى 583-كە جەتتى, دەپ جازادى Egemen.kz.
«2021 جىلدىڭ 1-17 قىركۇيەك ارالىعىندا وبلىس بويىنشا وقۋشىلار اراسىندا كوروناۆيرۋس ينفەكتسياسىمەن سىرقاتتانۋدىڭ 583 جاعدايى تىركەلدى.ونىڭ ىشىندە 214 جاعداي جازعى دەمالىس كەزىندە, 355 جاعداي وففلاين وقىتۋ كەزىندە جانە 14 جاعداي ونلاين وقىتۋدا تىركەلگەن», دەپ جازىلعان الماتى وبلىستىق سانيتاريالىق-ەپيدەميولوگيالىق باقىلاۋ دەپارتامەنتىنىڭ ءباسپاسوز قىزمەتى تاراتقان حابارلامادا.
ۆەدومستۆو اقپاراتىنا سايكەس, قازىر وبلىستا 341 سىنىپ كارانتينگە جابىلعان. 5042 وقۋشى قاشىقتان وقىپ جاتىر.
1-17 قىركۇيەك ارالىعىندا وبلىس بويىنشا 88 پەداگوگ كۆي جۇقتىرعان, ونىڭ ىشىندە 32 پەداگوگ جازعى دەمالىس كەزىندە اۋىرعان.
«وڭىرلەردەگى سانيتارلىق-ەپيدەميولوگيالىق باقىلاۋ باسقارمالارى پەداگوگتار, وقۋشىلار, ستۋدەنتتەر جانە تەحنيكالىق پەرسونال اراسىندا سىرقاتتانۋدىڭ كۇندەلىكتى مونيتورينگىن جۇرگىزەدى», دەپ جازدى ۆەدومستۆونىڭ ءباسپاسوز قىزمەتى.