اقتوبە وبلىسى بويىنشا ۆاكتسينا سالدىرۋعا قابىلەتتى تۇرعىنداردىڭ تەڭ جارتىسى يممۋنداۋ شاراسىنا قاتىستى. قازىرگى كەزدە تەمىرجول ۆوكزالى, اۋەجاي مەن ساۋدا-ويىن-ساۋىق كەشەنىندە ۆاكتسيناتسيالاۋ پۋنكتى اشىلدى, دەپ حابارلايدى Egemen.kz.
اقتوبە وبلىسى بويىنشا بارلىعى 522 مىڭنان استام ادام ۆاكتسينا سالدىرۋعا قابىلەتتى. قازىرگى كەزدە 305 مىڭنان استامى ءبىرىنشى, ال 252 مىڭى ەكىنشى كومپونەنتىن دە سالدىردى.
«قازىرگى كەزدە ۆاكتسينا سالدىراتىن ادامداردىڭ تەڭ جارتىسىنا جۋىعى يممۋندالدى. بارلىق ەمحانادا ۆاكتسيناتسيالاۋ پۋنكتى بار. سونىمەن بىرگە تەمىرجول ۆوكزالى, اۋەجاي مەن «كەرۋەن» ساۋدا-ويىن-ساۋىق ورتالىعىندا ۆاكتسيناتسيالاۋ پۋنكتى اشىلدى. ۇشەۋىندە ساعات 9:00-18:00 ارالىعىندا دارىگەرلەر جۇمىس ىستەيدى», دەدى وبلىستىق دەنساۋلىق ساقتاۋ باسقارماسى باسشىسىنىڭ ورىنباسارى بەكبولات ءىزباساروۆ.