بيىل ماڭعىستاۋ وبلىسىندا «نۇرلى جەر» باعدارلاماسى اياسىندا بارلىق قارجىلاندىرۋ كوزدەرى ەسەبىنەن 1,2 ملن شارشى مەتر نەمەسە 11 مىڭ تۇرعىن ءۇي سالۋ جوسپارلانۋدا, دەپ حابارلايدى Egemen.kz.
بيىل 8 ايدىڭ ىشىندە 809,6 مىڭ شارشى مەتر نەمەسە 6200 پاتەر جانە جەكە ءۇي پايدالانۋعا بەرىلدى.
ماڭعىستاۋ وبلىسى حالقىنىڭ الەۋمەتتىك از قورعالعان توپتارى ءۇشىن جالعا جانە نەسيەگە بەرىلەتىن تۇرعىن ءۇي قۇرىلىسىنا 2 ملرد 367 ملن تەڭگە مەملەكەتتىك ينۆەستيتسيا سالىندى. كەزەكتە تۇرعاندار جالپى اۋدانى 36 مىڭ شارشى مەتر بولاتىن 443 پاتەر الدى. تاعى 583 وتباسى جىل سوڭىنا دەيىن باسپانالى بولادى.«جالپى, «نۇرلى جەر» مەملەكەتتىك باعدارلاماسى اياسىندا وڭىردە ينجەنەرلىك-كوممۋنيكاتسيالىق ينفراقۇرىلىم مەن الەۋمەتتىك جالعا بەرىلەتىن جانە نەسيەلىك تۇرعىن ءۇي قۇرىلىسىنا مەملەكەت 9 ملرد 983 ملن تەڭگە ءبولدى», دەپ حابارلادى قر يدم قۇرىلىس جانە تۇرعىن ءۇي كوممۋنالدىق شارۋاشىلىق ىستەرى كوميتەتى.
الەۋمەتتىك تۇرعىن ءۇي سالۋ بارىسىندا وڭىردە 522 جاڭا جۇمىس ورنى اشىلعان.