قر پرەزيدەنتىنىڭ اۋعانستان بويىنشا ارنايى وكىلى – ەرەكشە تاپسىرمالار جونىندەگى ەلشى تالعات قاليەۆتىڭ توراعالىعىمەن بەينەكونفەرەنتسيا فورماتىندا ازياداعى ءوزارا ءىس-قيمىل جانە سەنىم شارالارى كەڭەسىنىڭ (اوسشك) ارنايى جۇمىس توبىنىڭ (اجت) وتىرىستارى ءوتتى, دەپ جازادى Egemen.kz.
اجت وتىرىستارىندا اوسشك سىرتقى ىستەر مينيسترلەرىنىڭ 6-شى كەزدەسۋى دەكلاراتسياسىنىڭ, سەنىم شارالارىنىڭ جاڭارتىلعان كاتالوگىنىڭ, اوسشك تالداۋ ورتالىقتارىنىڭ فورۋمى تۋرالى ەرەجەنىڭ, اوسشك ءراسىم تۋرالى ەرەجەگە تۇزەتۋلەر ەنگىزۋ جوبالارى جانە باسقا دا ماسەلەلەر تالقىلاندى.
قاتىسۋشىلار اوسشك ءراسىم تۋرالى ەرەجەگە تۇزەتۋلەردى ەنگىزۋگە كەلىستى. ول اوسشك اعا لاۋازىمدى تۇلعالار كوميتەتىنىڭ بەكىتۋىنە ۇسىنىلادى.