قر ءبىلىم جانە عىلىم ءمينيسترى اسحات ايماعامبەتوۆ اپپارات جينالىسىندا ۇستازدارعا ارنالعان تسيفرلىق كۋرستى مەڭگەرۋ ماسەلەسىنە توقتالىپ, تاپسىرمانى ورىنداماعان ۆەدومستۆو باسشىلارىنا ەسكەرتۋ جاسادى, دەپ جازادى Egemen.kz.
ءمينيستردىڭ ايتۋىنشا, پەداگوگتەردىڭ تسيفرلىق قۇزىرەتىن ارتتىرۋ ءۇشىن جاڭا ونلاين كۋرس دايىندالعان. بۇگىنگى تاڭدا اتالعان كۋرسقا 176 696 ادام عانا قاتىسىپ, 112 035-ءى تامامداعان.
«تاپسىرما بەرىلدى – تاپسىرمانى ورىنداۋ كەرەك», دەگەن اسحات ايماعامبەتوۆ اتىراۋ, اقتوبە, قاراعاندى, جامبىل جانە ماڭعىستاۋ وبلىستارىنداعى ءبىلىم ءبولىمىنىڭ باسشىلارىنان ەسەپ سۇرادى.
اتىراۋ وبلىستىق ءبىلىم باسقارماسىنىڭ جەتەكشىسى ساتقان ەسەنعاليەۆكە قاتاڭ ەسكەرتۋ جاريالادى. وعان الداعى ۋاقىتتا تسيفرلاندىرۋدىڭ بازالىق قۇزىرەتتىلىك قاتارىن تولىقتىرۋ تۋرالى تاپسىرما بەردى.