ۇكىمەت وتىرىسىندا پرەمەر-مينيستر اسقار مامين جىلىتۋ ماۋسىمى ۋاقىتىندا باستالاتىنىن ايتتى, دەپ جازادى Egemen.kz.
ۇكىمەت باسشىسى ءوڭىر اكىمدىكتەرىنىڭ تۇرعىن ءۇي-كوممۋنالدىق شارۋاشىلىق, ءبىلىم بەرۋ, الەۋمەتتىك سالا وبەكتىلەرى مەن جىلۋ-ەنەرگيا كوزدەرىن جىلىتۋ ماۋسىمىنا دايىنداۋ بويىنشا جۇمىس جۇرگىزگەنىن اتاپ ءوتتى.
«وڭىرلەردە جىلىتۋ ماۋسىمى جوسپار بويىنشا باستالادى. اكىمدىكتەر ينجەنەرلىك جەلىلەردە, ءبىلىم بەرۋ, دەنساۋلىق ساقتاۋ وبەكتىلەرى مەن ۇيلەردە جوسپارلانعان جوندەۋ جۇمىستارىنىڭ بارىن بەلگىلەنگەن مەرزىمدە اياقتاسىن. ەنەرگيا وندىرەتىن جانە ەنەرگيا بەرەتىن ۇيىمدارمەن بىرگە اسا قىسقا مەرزىمدە جىلىتۋ ماۋسىمىن وتكىزۋگە ازىرلىك پاسپورتتارىن الۋدى قامتاماسىز ەتسىن. وڭىرلەردىڭ اكىمدىكتەرى اۆتونومدى جىلۋ كوزدەرىنىڭ ءبارىن وتىننىڭ نورماتيۆتىك قورىمەن قامتاماسىز ەتسىن», دەدى مامين.
سونىمەن قاتار كومىر تاپشىلىعىن بولدىرماۋدى تاپسىردى.