يسپانيانىڭ وڭتۇستىگىندەگى اندالۋسيا ايماعىندا ورمان ءورتى شىعىپ, 2 مىڭعا جۋىق ادام ءۇيىن تاستاپ كەتۋگە ءماجبۇر بولدى, دەپ جازادى Egemen.kz.
ۆۆس جازۋىنشا, سارسەنبىدە كوستا-دەل-سولدەگى ەستەپونا كۋرورتتىق قالاشىعىندا باستالعان ورتتە ءبىر توتەنشە جاعداي قىزمەتكەرى قازا تاپتى.
يسپانيا ۇكىمەتى تاۋلى ايماقتاعى ءورت سوندىرۋشىلەرگە كومەكتەسۋ ءۇشىن اسكەري ءبولىمىن ورنالاستىردى.
جەكسەنبىدە تاعى التى قالا مەن اۋىل ەۆاكۋاتسيالاندى, ءتۇتىن بىرنەشە شاقىرىمعا جايىلدى. باسقا بەس قاۋىمداستىقتىڭ تۇرعىندارىنا جۇما كۇنى ۇيىنەن كەتۋگە بۇيرىق بەرىلدى.
يسپاندىق باق-تىڭ حابارلاۋىنشا, ءورت 7400 گەكتار اۋماقتى شارپىعان.