«بارىس» بۇگىن قۇرلىقتىق حوككەي ليگاسىنداعى كەزەكتى ويىنىندا ەلوردادا رەسەيدىڭ «سپارتاك» (ماسكەۋ) كومانداسىن قابىلدادى, دەپ حابارلايدى Egemen.kz.
ەلوردالىق كلۋب بيىلعى ءتۋرنيردى ءساتسىز باستادى. العاشقى ءۇش كەزدەسۋدىڭ ەكەۋىندە قارسىلاستارعا ەسە جىبەرىپ قويعان ەدى. سول ساتسىزدىك بۇگىن دە جالعاستى. «بارىس» ەلوردادا «سپارتاك» كومانداسىنا ەسە جىبەردى.
رەسەيلىك كلۋبتان الەكساندر نيكيشين 15, الەكساندر حوحلاچيوۆ 31-مينۋتتاردا مەرگەندىك تانىتقان ەدى. ودان كەيىن ەلوردالىق كوماندادان 32-مينۋتتا اركادي شەستاكوۆ ەسەپ ايىرماسىن قىسقارتتى.
ال «سپارتاك» حوككەيشىلەرى الەكسەي لوكتيونوۆ 34, ەميل پەتتەرسسون 54-مينۋتتا قوس شايبا سوعىپ كەتتى.
وسىلايشا «بارىس» قارسىلاسىنان 1;4 ەسەبىمەن جەڭىلىپ قالعان ەدى.