بيىلعى قازان ايىنىڭ ءۇشىنشى ونكۇندىگىنەن باستاپ قازاقستان مەن ساۋد ارابياسى اراسىنداعى تۇراقتى اۋە قاتىناسىن قالپىنا كەلتىرۋ جوسپارلانۋدا, دەپ حابارلايدى Egemen.kz قر يدم ازاماتتىق اۆياتسيا كوميتەتىنىڭ ءباسپاسوز قىزمەتىنە سىلتەمە جاساپ.
الماتى-دجيددا جانە الماتى-مەدينا باعىتتارى بويىنشا ساۋد ارابياسىنا ۇشۋلاردى قازاقستاندىق SCAT اۆياكومپانياسى ءاربىر باعىت بويىنشا اپتاسىنا ءبىر رەت ورىندايدى دەپ بولجانۋدا.
«قازاقستان رەسپۋبليكاسىنىڭ اۋماعىندا كوروناۆيرۋستىق ينفەكتسيانىڭ پايدا بولۋى مەن تارالۋىنا جول بەرمەۋ جونىندەگى ۆەدومستۆوارالىق كوميسسيا 2021 جىلعى 7 قىركۇيەكتەگى وتىرىستا قازاقستان مەن ساۋد ارابياسى اراسىنداعى تۇراقتى اۋە قاتىناسىن قالپىنا كەلتىرۋ ماسەلەسىن وڭ شەشتى», دەلىنگەن ءباسپاسوز قىزمەتىنىڭ حابارلاماسىندا.
ساۋد ارابياسىنا رەيستەردىڭ ودان ءارى ۇلعايۋى ەپيدەميولوگيالىق جاعدايعا, ۆەدومستۆوارالىق كوميسسيانىڭ شەشىمدەرىنە جانە ساۋد ارابياسىنىڭ ءتيىستى مەملەكەتتىك ورگاندارىنىڭ شەشىمدەرىنە بايلانىستى بولادى.