الماتى اۋەجايىندا كولىك پوليتسەيلەرى كريپتوۆاليۋتا وندىرۋگە ارنالعان قىمبات جابدىق ۇرلانعانىن اشكەرەلەدى, دەپ حابارلايدى Egemen.kz.
جەدەل ىزدەستىرۋ شارالارى بارىسىندا الماتى اۋەجايىندا اسا ءىرى كولەمدە ۇرلىق جاساعان بورتسەرىك انىقتالعان. ول قىتايدان قازاقستانعا جۇك تاسىمالداۋمەن اينالىساتىن اۋەكومپانيالاردىڭ بىرىندە جۇمىس ىستەگەن.
«سوتالدى تەرگەۋ بارىسىندا, بورتسەرىك اۋە كەمەسىنىڭ جۇك قويماسىنان كريپتوۆاليۋتا وندىرۋگە ارنالعان جابدىقتى بىرنەشە رەت ۇرلاعانى انىقتالدى», دەدى كولىك پوليتسياسى وكىلى.
ولاردىڭ ايتۋىنشا, جالپى شىعىن كولەمى 27 ميلليون تەڭگەدەن اسقان. سوتالدى تەرگەۋ اياقتالدى, قىلمىستىق ءىس سوتقا جىبەرىلگەن.