قر دەنساۋلىق ساقتاۋ ءبىرىنشى ۆيتسە-ءمينيسترى مارات شورانوۆ حالىقتى تۇماۋعا قارسى ۆاكتسيناتسيالاۋ ءۇشىن نەگە رەسەي ۆاكتسيناسى تاڭدالعانىن ءتۇسىندىردى, دەپ حابارلايدى Egemen.kz.
«تىركەلگەن بارلىق ۆاكتسينا كونكۋرسقا قاتىسا الادى. الايدا, ەڭ الدىمەن, ۆاكتسيناسىن ەڭ تومەن باعا ۇسىنعان جەتكىزۋشى تاڭدالادى. ال ءونىمنىڭ تيىمدىلىگى تىركەۋ ارقىلى راستالادى», دەدى شورانوۆ وكق بريفينگىندە.
ۇلتتىق قوعامدىق دەنساۋلىق ساقتاۋ ورتالىعى باسقارما توراعاسىنىڭ ورىنباسارى ايناگۇل قۋاتباەۆانىڭ ايۋىنشا, «گريپپول+» ۆاكتسيناسى بەس جىلدان بەرى قولدانىلىپ كەلە جاتىر جانە تيىمدىلىگىن دالەلدەگەن.
سونىمەن قاتار بۇل ۆاكتسينانىڭ ساقتاۋ شارتتارى دا مەديتسينالىق ۇيىمدار ءۇشىن ەڭ قولايلىسى بولىپ وتىر.
بۇعان دەيىن دەنساۋلىق ساقتاۋ مينيسترلىگى تۇماۋعا قارسى ۆاكتسيناتسيا 15 قىركۇيەكتە باستالاتىنىن ايتقان بولاتىن. قازىردىڭ وزىندە ۆاكتسينانىڭ 2,5 ميلليون دوزاسى ساتىپ الىنعان.