اتىراۋ وبلىسى پوليتسيا دەپارتامەنتىنىڭ ەسىرتكىگە قارسى ءىس-قيمىل باسقارماسىنىڭ قىزمەتكەرلەرى “قاراسورا-2021” جەدەل-پروفيلاكتيكالىق ءىس-شاراسى كەزىندە جۇمىسكەر مولتەك اۋدانىنا ەسىرتكىگە ۇقساس زات جاسىرىپ كەتكەن وزبەكستان ەلىنىڭ 22 جاستاعى ازاماتشاسىن ۇستادى, دەپ جازادى Egemen.kz.
كۇدىكتىنىڭ جاسىرعانى “الفا-PVP” پسيحتروپتى زاتى ەكەنى بەلگىلى بولدى. ايتۋىنشا, ول ونى Telegram جەلىسى ارقىلى ساتىپ العان.
«قازىرگى تاڭدا اتالعان فاكتى بويىنشا قر قىلمىستىق كودەكسىنىڭ 296-بابى 2-بولىگى بويىنشا سوتقا دەيىنگى تەرگەۋ امالدارى جۇرگىزىلۋدە. وزگە اقپارات قپك-ءنىڭ 201-بابىنا سايكەس جاريالانۋعا جاتپايدى», دەدى اتىراۋ وبلىسى پوليتسيا دەپارتامەنتىنىڭ باستىعى قامزا ۇمبەتقاليەۆ.