قر پرەزيدەنتى قاسىم-جومارت توقاەۆ 2025 جىلعا دەيىن 1000 مەكتەپ سالۋ تۋرالى تاپسىرما بەردى, دەپ جازادى Egemen.kz.
«ورتا ءبىلىم بەرۋ جۇيەسىندەگى وتكىر پروبلەمانىڭ ءبىرى – مەكتەپتەردەگى ورىن تاپشىلىعى. 225 مىڭ وقۋشىعا ورىن جەتىسپەيدى. شۇعىل شارا قابىلداماساق, 2025 جىلعا قاراي ورىن تاپشىلىعى 1 ميلليونعا جەتەدى. مەن 2025 جىلعا دەيىن كەمىندە 800 مەكتەپ سالۋ تۋرالى تاپسىرما بەرگەن بولاتىنمىن. بۇگىن ونىڭ سانىن ءبىر مىڭعا جەتكىزۋدى مىندەتتەيمىن», دەدى مەملەكەت باسشىسى.
پرەزيدەنت مەكتەپ قۇرىلىسىنا مەملەكەتتىك بيۋدجەتپەن بىرگە, جەكە سەكتوردى دا تارتۋ تۋرالى ايتتى.
سونىمەن قاتار تولىق ءبىلىم بەرەتىن اۋىل مەكتەپتەرىن وقۋشى سانىنا قاراي قارجىلاندىرۋعا بىرتىندەپ كوشۋ كەرەك ەكەنىن اتاپ ءوتتى.