الماتى قالاسى پوليتسيا دەپارتامەنتىنىڭ ءباسپاسوز قىزمەتى ۇسىنعان مالىمەتتەردە جىل باسىنان بەرى بالالاردىڭ قاتىسۋىمەن بولعان جول-كولىك وقيعالارىنىڭ 45,1%-عا وسكەنى ايتىلادى, دەپ حابارلايدى Egemen.kz.
«بالالاردىڭ جول كولىك جاراقاتىن الۋىنىڭ بىرنەشە سەبەبى انىقتالدى. ءبىز ورتا مەكتەپتەرمەن شەكتەسەتىن جول جەلىسىنە زەرتتەۋ جۇرگىزدىك. ناتيجەسىندە سونداي جەرلەرگە جاساندى كەدەرگىلەر قويۋ ارقىلى جول-كولىك وقيعاسى سالدارىن جەڭىلدەتۋگە بولاتىنىن كوردىك. ەندى اۋماقتارداعى 120 مەكتەپتىڭ جانىنداعى جولدارعا سونداي جاساندى كەدەرگىلەر قويۋ كەرەك. بارلىق مەكتەپتىڭ جانە نازار اۋدارۋدى قاجەت ەتەتىن مەكەنجايلاردىڭ ءتىزىمى شارا قابىلداۋ ءۇشىن اۋدان اكىمدەرىنە جىبەرىلدى», دەيدى الماتى قالالىق پوليتسيا دەپارتامەنتىنىڭ باستىعى قانات تايمەردەنوۆ.