ەلوردادا 401 مىڭعا جۋىق ازامات ۆاكتسينانىڭ العاشقى كومپونەنتىن الدى. 330 مىڭنان استام ادام تولىق يممۋنداۋدان ءوتتى, دەپ حابارلايدى Egemen.kz قالا اكىمدىگىنىڭ رەسمي سايتىنا سىلتەمە جاساپ.
«بىزدە ۆاكتسيناتسيا بويىنشا وتە بەلسەندى قارقىن بايقالادى. قالا تۇرعىندارىنىڭ باسىم بولىگى ۆاكتسيناتسيادان ءوتتى. بۇل كورسەتكىش مامىر ايىنىڭ باسىنان باستاپ قازىرگى كۇنگە دەيىن ارتىپ كەلەدى», دەپ اتاپ ءوتتى قوعامدىق دەنساۋلىق ساقتاۋ باسقارماسىنان.
قازىرگى ۋاقىتتا ەلوردادا ۆاكتسينالاردىڭ ءۇش تۇرى رەسەيلىك «سپۋتنيك», قازاقستاندىق «QazVac» جانە قىتايلىق Sinopharm كومپانياسىنىڭ «Vero Cell» ۆاكتسيناسى بار.