تجم جارىلىس بويىنشا جەدەل اقپارات جاريالادى

ءورت ورنىنا جامبىل وبلىسى تجد ءورت ءسوندىرۋ بولىمشەلەرىنىڭ كۇشتەرى مەن قۇرالدارى جوعارعى شاقىرۋ ءنومىرى بويىنشا 34 بىرلىك اۆتوتەحنيكا جانە 114 ادام جىبەرىلدى, 15 جەدەل جاردەم بريگاداسى جۇمىلدىرىلدى, ونىڭ ىشىندە تج ايماعىندا 4 بىرلىك تەحنيكا. گارنيزون جوعارعى شاقىرۋ رانگى بويىنشا شىقتى.

ءورت قويما عيماراتىن تولىق شارپىعان. فراگمەنتتەردىڭ ۇشۋ راديۋسى 2 كم-گە دەيىن جەتتى, الدىن-الا مالىمەتتەر بويىنشا قويمادا 500 توننادان استام تروتيل ساقتالعان.

ءورت نىسانىنا جاقىن جەردە 3 ەلدى مەكەن ورنالاسقان, جىبەك جولى كەنتى 3 كم (378 ادام), ۇشبۇلاق ستانتسياسى – 8 كم (216 ادام), بوتامويناق – 10 كم (492 ادام), حالىقتىڭ جالپى سانى شامامەن 1 086 مىڭ ادام. قازىرگى ۋاقىتتا 710 تۇرعىن تاراز قالاسىنا ەۆاكۋاتسيالاندى. (جامبىل پوليتەحنيكالىق كوللەدجى, تەمىرجول كوللەدجى, قازاق-تۇرىك كوللەدجى, تاراز سەرۆيس جانە تەحنولوگيا كوللەدجى, قانت-زاۋىت كوللەدجى, №5, 6, 10, 44, 23, 9, 12, 8, 54 جانە 53 ورتا مەكتەپتەرى, ونىڭ 128-ءى ەۆاكوپۋنكتەردە, 582-ءسى تۋىستارىندا.

الدىن الا اقپارات بويىنشا اۋرۋحاناعا 49 تجد قىزمەتكەرلەرى تۇسكەن.

وقيعا ورنىندا مينيستر باستاعان تجم جەدەل توبى جۇمىس ىستەۋدە. سونداي-اق وقيعا ورنىنا الماتى قالاسىنان قۇرامىندا 6 بىرلىك تەحنيكا مەن جەكە قۇرامنىڭ 22 ادامى, تۇركىستان قالاسىنان امو 1 بىرلىك تەحنيكاسى, شىمكەنت قالاسى تجد ارنايى جاساعىنىڭ  8 بىرلىك تەحنيكاسى مەن جەكە قۇرامنىڭ 33 ادامى جانە قر تجم اپاتتار مەديتسيناسى ورتالىعىنىڭ قىزمەتكەرلەرى كەلدى.

قر تجم قورعانىس مينيسترلىگىنەن رەسمي سۇراۋ جولدانسا, ءورتتى ءسوندىرۋ ءۇشىن تىكۇشاقتار ۇسىنۋعا دايىن.

الداعى ۋاقىتتا قر تجم كۇشتەرى مەن قۇرالدارى قالعان ءورت وشاقتارىن سوندىرۋگە, سونداي-اق تۇرعىنداردى تۇراقتى ورنالاسۋ ورنىنا قايتارۋعا جانە ت/ج كولىگى جولدارى مەن اۆتوموبيل جولدارىن قالپىنا كەلتىرۋگە تارتىلاتىن بولادى.

قر تجم دجبو-دا جانە ءورت ورنىندا كشم بازاسىندا ءورت ءسوندىرۋ شتابى قۇرىلدى. جامبىل وبلىسى تجد-دە جەدەل شتاب جۇمىس ىستەيدى. توتەنشە جاعدايدى جويۋعا جۇمىلدىرىلدى:

- تجم - 153 قىزمەتكەر, 46 بىرلىك تەحنيكا,

- پد - 400 قىزمەتكەر, 54 بىرلىك تەحنيكا,

- №28349 ءا/ب - 8 قىزمەتكەر, 2 بىرلىك تەحنيكا,

- №5513 ءا/ب - 273 اسكەري قىزمەتشى, 12 بىرلىك تەحنيكا,

- ۇلتتىق گۆارديا - 520 ادام جانە 250 ادام رەزەرۆتە.

حالىققا اقپاراتتىق جانە پسيحولوگيالىق كومەك كورسەتۋ ءۇشىن جامبىل وبلىسىنىڭ تجم جانە تجد جەدەل جەلى اشىلدى تجم تەلەفوندارى – 33-32-89, 53-32-79, تجد– 8 (7262) 51-41-67, 51-37-75, +77788109109.

تجد اقپاراتتىق سيپاتتاعى 178 قوڭىراۋ كەلىپ ءتۇستى.