تۇركىستان وبلىسى پد قالالىق جانە اۋداندىق بولىمشەلەرىنىڭ كەزەكشى بولىمدەرىنە ءبىر تاۋلىك ىشىندە الاياقتىققا بايلانىستى 10-نان استام حابارلاما كەلىپ ءتۇستى, دەپ حابارالايدى Egemen.kz Polisia.kz-كە سىلتەمە جاساپ.
وبلىستا الەۋمەتتىك كومەك نەمەسە مەملەكەتتىك سۋبسيديا الۋ سىلتاۋىمەن ازاماتتاردى الداۋدىڭ 6 فاكتىسى, بىرەۋدىڭ اتىنا نەسيە بەرۋدىڭ 2 فاكتىسى, «اقشا اينالدىرۋ» ارقىلى كىرىستى ۇلعايتۋدىڭ 1 فاكتىسى جانە باسقالارى تىركەلدى. جابىرلەنۋشىلەرگە كەلتىرىلگەن زالالدىڭ جالپى سوماسى شامامەن توعىز ميلليون تەڭگەنى قۇرادى.
تۇركىستان قالالىق پب كەزەكشى بولىمىنە جابىرلەنۋشى حابارلاسىپ, بانكتەردىڭ بىرىندە بەلگىسىز بىرەۋلەر ونىڭ اتىنا ءىرى سوماعا نەسيە راسىمدەگەنىن حابارلادى.
جەدەل-ىزدەستىرۋ شارالارى بارىسىندا پوليتسەيلەر كۇدىكتى رەتىندە بانكتىڭ بۇرىنعى قىزمەتكەرىن ۇستادى. جاس جىگىت ايەلدىڭ سەنىمىنە كىرىپ, الداۋ جولىمەن كليەنتتىڭ اتىنا 2 ميلليون تەڭگەدەن استام سوماعا نەسيە رەسىمدەگەنى انىقتالدى. تەرگەۋ شارالارى بارىسىندا بۇل الاياقتىڭ قولىنان تاعى ءبىر قالا تۇرعىنى زارداپ شەككەنى انىقتالدى, ول ونىڭ اتىنا 3 ميلليون تەڭگە نەسيە العان.
قازىرگى ۋاقىتتا اتالعان فاكتىلەر بويىنشا قر قك 190-بابى «الاياقتىق» بويىنشا سوتقا دەيىنگى تەرگەۋ جۇرگىزىلۋدە. ەر ادام قاماۋدا. تەرگەۋ كۇدىكتىنىڭ تاعى بىرنەشە الاياقتىق فاكتىلەرىنە قاتىسى بولۋى مۇمكىن ەكەنىن جوققا شىعارمايدى.