جامبىل وبلىسىنىڭ اكىمى بەردىبەك ساپارباەۆ وق-ءدارى قويماسىنداعى جارىلىستاردان كەيىن تەمىرجول رەلستەرىنىڭ جاعدايى تۋرالى ايتتى, دەپ جازادى Egemen.kz.
«كەشە ءبىز ناقتى شارالار قابىلدادىق, قوسىمشا 20 اۆتوبۋس بولدىك. ويتكەنى ەكى جاقتاعى, الماتى مەن شىمكەنتتە ستانتسيالار بار, پويىزدار جۇرەدى. ءبىز بۇل اۆتوبۋستارمەن شىمكەنت, قىزىلوردا, اقتوبە باعىتىنا باراتىن جولاۋشىلاردى جىبەرەمىز. قازىر تۇراقتا تۇرعان جولاۋشىلار پويىزدارى جوق. جۇك پويىزدارى عانا ۋاقىتشا ايالداپ تۇر. قازىر قورعانىس مينيسترلىگىنىڭ قىزمەتكەرلەرى تەمىرجول رەلستەرىنە زەرتتەۋ جۇرگىزۋدە, سودان كەيىن تەمىرجولشىلار سول جەرگە بارادى. زەرتتەۋ ناتيجەسىندە جۇك پويىزدارىنىڭ قوزعالىسىن قالپىنا كەلتىرۋ تۋرالى شەشىم قابىلدايمىز», دەدى بەردىبەك ساپارباەۆ.