جامبىل وبلىسىندا اسكەري قويما جارىلىسىنان زارداپ شەككەن 28 ناۋقاس اۋرۋحانادا جاتىر, دەپ حابارلايدى Egemen.kz.
«27 تامىز كۇنگى ساعات 8.00-دەگى جاعداي بويىنشا, اۋرۋحانالاردا 28 ناۋقاس بار, ونىڭ التاۋى اۋىر حالدە», دەلىنگەن وبلىس اكىمدىگى تاراتقان حابارلامادا.
ەسكە سالايىق, جامبىل وبلىسى بايزاق اۋدانىندا ورنالاسقان اسكەري بولىمدە ساعات 19.00 شاماسىندا قويمالاردىڭ ءبىرىنىڭ جانىندا ءورت شىققان. ءورت سالدارىنان انىقتالماعان زاتتار جارىلعان. جاقىن ماڭداعى تۇرعىندار ەۆاكۋاتسيالانعانى انىقتالدى.
بۇعان دەيىن جامبىل وبلىسىندا اسكەري قويما جارىلىسىنان زارداپ شەككەندەر سانى 66-عا جەتكەنى حابارلانعان بولاتىن.