بەيسەنبىدە كابۋلداعى حاميد كارزاي اتىنداعى حالىقارالىق اۋەجاي ايماعىندا كۇشتى جارىلىس بولدى, دەپ حابارلايدى Egemen.kz.
«انادولى» اقپاراتتىق اگەنتتىگىنىڭ ءتىلشىسى اۋعانستان استاناسىنان حابارلاعانداي, جارىلىس دىبىسى اۋە ايلاعى ايماعىنان الدەقايدا الىس جەردە ەستىلگەن.
ء«ال-جازيرا» تەلەارناسى «تاليبان» قوزعالىسىنىڭ وكىلدەرىنە سىلتەمە جاساپ, 13 ادامنىڭ قازا تاپقانىن حابارلادى.
كابۋلداعى جەدەل جاردەم اۋرۋحاناسىنىڭ وكىلدەرى Twitter -دە جارىلىس ايماعىنان كەلگەن 60 ادام اۋرۋحاناعا جاتقىزىلعانىن حابارلادى.
جارىلىس فاكتىسىن پەنتاگون وكىلى دجون كيربي راستادى.
امەريكالىق بۇقارالىق اقپارات قۇرالدارى كابۋل اۋەجايى ماڭىندا بولعان جارىلىستان 4 امەريكالىق اسكەري قىزمەتكەر قازا تاۋىپ, ۇشەۋى جارالانعانىن حابارلادى.
سونداي-اق تۇركيانىڭ ۇلتتىق قورعانىس مينيسترلىگى كابۋل اۋەجايىنىڭ سىرتىندا ەكى جارىلىس بولعانىن حابارلادى. تۇرىك اسكەرى اراسىندا قازا تاپقاندار جوق.