جامبىل وبلىسىنداعى ءۇش ەلدى مەكەننىڭ تۇرعىندارى ەۆاكۋاتسيالاندى

جامبىل وبلىسىندا ورنالاسقان قورعانىس مينيسترلىگىنىڭ اسكەري ءبولىمىنىڭ قاسىندا بايزاق اۋدانىنىڭ ۇشبۇلاق (120 تۇرعىن), جىبەك جولى (500 تۇرعىن), قاينار (85 تۇرعىن) ەلدى مەكەندەرى ورنالاسقان. تۇرعىندار قازىر قاۋىپسىز جەرگە كوشىرىلدى. 

ءورتتى ءسوندىرۋ ءۇشىن 12 تەحنيكا مەن توتەنشە جاعدايلار مينيسترلىگىنىڭ 42 قىزمەتكەرى, سونداي-اق اسكەري بولىمنەن 8 قىزمەتكەر مەن 2 تەحنيكا جۇمىلدىرىلدى.

وقيعا ورنىنا 16 جەدەل جاردەم بريگاداسى جىبەرىلدى. الدىن الا مالىمەتتەر بويىنشا, ساعات 21: 00-دەگى جاعداي بويىنشا 7 ادام جاراقات الىپ, مەديتسينالىق مەكەمەلەرگە جەتكىزىلدى.

قۇرىلعان جەدەل شتابتىڭ باسشىسى - وبلىس اكىمى بەردىبەك ساپارباەۆتىڭ تاپسىرماسىمەن جاقىن ەلدى مەكەندەردىڭ تۇرعىندارىن كوشىرۋ جۇمىستارى جۇرگىزىلدى.

وقيعا ورنىنا جامبىل وبلىسى اكىمدىگىنەن جاۋاپتى تۇلعالار, وبلىس باسشىسىنىڭ ورىنباسارلارى ت.ش.ماماەۆ, كارىبەك د.ج اتتاندى.

ء«بىز تاراز قالاسىنىڭ تۇرعىندارىنان ۇيلەرىنەن شىقپاۋدى, تەرەزەگە جاقىنداماۋدى سۇرايمىز. قوسىمشا اقپارات كەيىنىرەك حابارلانادى», دەپ حابارلادى اكىمدىكتەن.

ايتا كەتەيىك, بۇگىن كەشكە جامبىل وبلىسىنداعى اسكەري بولىمدە جارىلىس بولدى.