قازاقستاندا اسكەري قىزمەتشىلەردى ازىق-ت ۇلىكپەن قامتاماسىز ەتۋ نورمالارى قايتا قارالدى. ەندى مازىردە جىلقى ەتى, تۇيە ەتى, بالىق جانە ءداستۇرلى سۋسىندار بولادى, دەپ حابارلايدى Egemen.kz.
«اسكەري قىزمەتشىلەردىڭ تاماقتانۋىن ودان ءارى جاقسارتۋ ءۇشىن قازاق تاعامتانۋ اكادەمياسىمەن بىرگە ۇلتتىق تاعامداردىڭ ەرەكشەلىكتەرىن ەسكەرە وتىرىپ, ءبىراز جۇمىس جۇرگىزىلدى. قوسىمشا جىلقى ەتى, قوي ەتى, تۇيە ەتى, ۇيرەك, قاز جانە بالىق تۇرلەرى اسكەري قىزمەتشىلەردىڭ راتسيونىنا كىرەدى, قۇرت, قىمىز جانە شۇبات ەنگىزۋ جوسپاردا بار», دەدى قر قك بش ۇيىمداستىرۋ جۇمىلدىرۋ جۇمىستار دەپارتامەنتىنىڭ باعىت اعا وفيتسەرى رۋسلان تاپاشەۆ.
2020 جىلى قورعانىس مينيسترلىگى اسكەري قىزمەتشىلەرگە بەرىلەتىن ازىق-ت ۇلىك قۇنىن 40%-عا ارتتىردى. ال ساربازداردىڭ تاماقتانۋىن ۇيىمداستىرۋ قىزمەتى اۋتسورسينگ كومپانيالارعا بەرىلدى.
«2020 جىلى ءبىر راتسيوننىڭ قۇنى شامامەن 1225 تەڭگە بولدى, قازىر ول 1713 تەڭگەنى قۇرايدى. اسكەري قىزمەتشىلەرگە ارنالعان ازىق-ت ۇلىك قىزمەتى جەكە كومپانيالارعا بەرىلدى. بىراق راتسيون ءار بولىمدە ءارتۇرلى ەكەنىن ەسكەرۋ كەرەك. مىسالى, دەسانتتىق شابۋىلداۋشى كۇشتەردىڭ نورماسى باسقا, ماتروستار مەن ۇشقىشتاردىڭ نورماسى باسقا», دەدى قر قارۋلى كۇشتەر بش ۇيىمداستىرۋ جۇمىلدىرۋ جۇمىستار دەپارتامەنتىنىڭ باستىعى ساكەن ءجۇسىپوۆ.