قازاقستاننىڭ رەسەيدەگى ەلشىلىگى حابارلاعانداي, ەندى شەكارادان وتباسى مۇشەلەرىمەن بىرگە وتۋگە بولادى. بۇعان دەيىن تەك رەسەي فەدەراتسياسى ازاماتتارىنىڭ جاقىن تۋىستارى كىرە الاتىن, دەپ جازادى Egemen.kz.
رەسەي ەلگە كىرگىسى كەلەتىن قازاقستان ازاماتتارىنا قاتاڭ تالاپ قويىپ وتىر.
سونىمەن, قۇرلىق شەكاراسى ارقىلى كىرۋگە رۇقسات ەتىلەدى:
- رەسەي فەدەراتسياسىنداعى شەت مەملەكەتتەردىڭ ديپلوماتيالىق وكىلدىكتەرى مەن كونسۋلدىق مەكەمەلەرىنىڭ, حالىقارالىق ۇيىمداردىڭ جانە ولاردىڭ وكىلدىكتەرىنىڭ, رەسەي اۋماعىندا ورنالاسقان شەت مەملەكەتتەردىڭ باسقا دا رەسمي وكىلدىكتەرىنىڭ اككرەديتتەلگەن نەمەسە تاعايىندالعان قىزمەتكەرلەرى, وسى ادامداردىڭ وتباسى مۇشەلەرى (جۇبايلارى, اتا-انالارى, بالالارى, اسىراپ الۋشىلار, اسىراپ الىنعان بالالار), رەسمي دەلەگاتسيا مۇشەلەرى;
- ديپلوماتيالىق جانە قىزمەتتىك ۆيزاسى بار ادامدار;
- رەسەي فەدەراتسياسىنا جاقىن تۋىسىنىڭ قايتىس بولۋىنا بايلانىستى كەلگەن جانە ونى جەرلەۋدى جۇزەگە اسىرۋ ءۇشىن كەلەسى ادامدار. قايتىس بولۋ تۋرالى كۋالىكتىڭ كوشىرمەسىن جانە تۋىستىق دارەجەسىن راستايتىن قۇجاتتىڭ, سونداي-اق ولاردىڭ جۇبايلارى مەن رەسەي فەدەراتسياسىنا كامەلەتكە تولماعان بالالارىن بىرگە ۇسىنۋ;
- رەسەي فەدەراتسياسى ازاماتتارىنىڭ وتباسى مۇشەلەرى, قورعانشىلارى مەن قامقورشىلارى, قارىم-قاتىناس دارەجەسىن نەمەسە قامقورشىلىقتى ورناتۋدى راستايتىن قۇجاتتىڭ كوشىرمەسىن ۇسىنعان جاعدايدا;
- رەسەي فەدەراتسياسىنىڭ اۋماعىندا تۇراقتى تۇراتىن ادامدار (ەگەر ولاردا رەسەي فەدەراتسياسىنىڭ تۇرۋعا ىقتيارحاتى بولسا), سونداي-اق ولارمەن بىرگە رەسەي فەدەراتسياسىنا كىرەتىن جۇبايلارى مەن كامەلەتكە تولماعان بالالارى;
- ەمدەلۋ ماقساتىندا رەسەي فەدەراتسياسىنا كەلەتىن ادامداردا مەديتسينالىق ۇيىمنان انىقتاما بولۋى كەرەك;
- مەديتسينالىق ۇيىم بەرگەن جاعدايدى راستايتىن قۇجاتتاردى (قۇجاتتاردىڭ كوشىرمەلەرىن), سونداي-اق تۋىستىق دارەجەسىن راستايتىن قۇجاتتىڭ كوشىرمەلەرىن ۇسىنعان جاعدايدا, كۇتىمگە مۇقتاج ناۋقاس جاقىن تۋىستارىنا بارۋ ءۇشىن رەسەي فەدەراتسياسىنا كەلەتىن ادامدار. سونداي-اق ەرلى-زايىپتىلارمەن بىرگە كىرەتىن كامەلەتكە تولماعان بالالار;
- شەتەلدە تۇراتىن قانداستاردىڭ رەسەي فەدەراتسياسىنا ەرىكتى تۇردە قونىس اۋدارۋىنا جاردەمدەسۋدىڭ مەملەكەتتىك باعدارلاماسىنا قاتىسۋشىلار;- رەسەي فەدەراتسياسىنىڭ ەكونوميكاسىنا شەتەلدىك ازاماتتاردى تارتۋ بويىنشا ارەكەتتەر الگوريتمىنە سايكەس قۇرىلعان تىزىمدەردە كورسەتىلگەن ەڭبەك قىزمەتىن جۇزەگە اسىرۋ ءۇشىن كەلەتىن ادامدار;
شەكارادان وتكەن كەزدە ساپاردىڭ ماقساتىن راستايتىن قۇجاتتار ءتىزىمىن ۇسىنۋ قاجەت بولادى. سونىمەن قاتار 72 ساعات ىشىندە تاپسىرىلعان پتر تەستىنىڭ تەرىس ناتيجەسى تۋرالى سەرتيفيكات بولۋى كەرەك.