الماتىدا كوروناۆيرۋس جۇقتىرعان 6 021 ناۋقاس ەم قابىلداپ جاتىر. بۇل تۋرالى قالالىق قوعامدىق دەنساۋلىق باسقارماسىنان ءمالىم ەتتى, دەپ حابارلايدى Egemen.kz.
24 تامىز كۇنگى اقپارات بويىنشا, ءبىر تاۋلىكتە قالادا 1 590 ادام كوروناۆيرۋس جۇقتىرعان.
مۇنىڭ ىشىندە سيمپتومدى, جەڭىل جانە ورتاشا دەڭگەيدەگى بەلگىلەرمەن – 1 515, سيمپتومسىز 75 ناۋقاس تىركەلدى. بارلىق ەمدەلىپ شىققاندار – 676, كەلىپ تۇسكەنى – 667.
«ينفەكتسيالىق ستاتسيونارلاردا 6 021 ادام بار (توسەك-ورىننىڭ جالپى سانى –8 910 ), ونىڭ ىشىندە 169 بالا ەمدەلۋدە», دەپ ناقتىلادى قوعامدىق دەنساۋلىق باسقارماسىنىڭ ءباسپاسوز قىزمەتىنەن.
سونداي-اق, رەانيماتسيا جانە قارقىندى تەراپيا بولىمىندە 467 ادام جاتىر. ال 35 ناۋقاس جاساندى تىنىس الۋ اپپاراتىنا قوسىلعان. ءينۆازيۆتى ەمەس جاساندى تىنىس الۋ اپپاراتىندا 188 ادام ەم قابىلداۋدى جالعاستىرۋدا. High flow-دا 223 اپپارات جۇمىس ىستەيدى.
مەديتسينالىق-سانيتاريالىق العاشقى كومەك ءموبيلدى بريگادالارىنىڭ جانە تەلەمەديتسينا ورتالىعىنىڭ امبۋلاتوريالىق باقىلاۋىندا 12 868 پاتسيەنت بار. ونىڭ ىشىندە ىندەت بەلگىلەرى بار, ورتاشا اۋىر جاعدايدا – 12 369 ناۋقاس. 499 ناۋقاستا كوروناۆيرۋس بەلگىسى جوق.